Breaking News
Home / News / مظفرگڑھ ،ناجائز تجاوزات کے خاتمے کے لئے لائحہ عمل تیار

مظفرگڑھ ،ناجائز تجاوزات کے خاتمے کے لئے لائحہ عمل تیار

مظفرگڑھ ۔ (مظفر گڑھ ڈاٹ سٹی۔ 31 دسمبر2018ء) ڈپٹی کمشنر ڈاکٹر احتشام انور کی ہدایت پر مظفرگڑھ شہر و گردونواح میں ناجائز تجاوزات کے خاتمے کے لئے لائحہ عمل تیار ۔اسسٹنٹ کمشنر ظہور بھٹہ اور چئیرمین بلدیہ اکرم خان چانڈیہ کی سربراہی ہی میں آج دوپہر دو بجے بلدیہ آفس میں انجمن تاجران کے عہدیداروں اور تاجران کے ساتھ خصوصی میٹنگ کی جائے گی۔تفصیل کیمطابق مظفرگڑھ شہر اور گردونواح میں ناجائز تجاوزات کیخلاف گرینڈ آپریشن کرنے کے لئے ڈپٹی کمشنر نے اسسٹنٹ کمشنر ظہور حسین بھٹہ کو خصوصی ٹاسک جاری کرتے ہوئے ناجائز تجاوزات کے مکمل خاتمہ کی ہدایات جاری کردی ہیں جسکے لئے اسسٹنٹ کمشنر مظفرگڑھ ظہور حسین بھٹہ نے چئیرمین بلدیہ اکرم خان چانڈیہ کے ہمراہ آج دوپہر بلدیہ ہال میں انجمن تاجران مظفرگڑھ کے عہدیداروں اور تاجران کیساتھ خصوصی میٹنگ کے انعقاد کا فیصلہ کیا ہے۔میٹنگ میں شہر بھر میں ناجائز تجاوزات کے خاتمے کے لئے تاجران کیساتھ ملکر مشترکہ حکمت عملی تیار کی جائے گی جس میں تاجروں کی جانب سے دی جانے والی تجاویز کو بھی مد نظر رکھتے ہوئے حتمی حکمت عملی طے کرکے آپریش کا باقاعدہ آغاز کیاجائے گا۔میٹنگ میں تاجران کیساتھ مختلف مکاتب فکر کے نمائندہ افراد کو بھی دعوت دی جائے گی جو کہ شہر میں ناجائز تجاوزات سے پیش آ نے والی مشکلات پر روشنی ڈالیں گے
Loading...
%d bloggers like this: