Breaking News
Home / News / مظفرگڑھ، یکم جون تا 31اگست تک جال کے ذریعے مچھلی کے شکار پر پابندی

مظفرگڑھ، یکم جون تا 31اگست تک جال کے ذریعے مچھلی کے شکار پر پابندی

مظفرگڑھ (مظفرگڑھ ڈاٹ سٹی۔ 30 مئی2020ء) اسسٹنٹ ڈائریکٹر فشریز نے کہا ہے کہ یکم جون تا 31اگست تک جال کے ذریعے مچھلی کے شکار پر پابندی لگادی گئی ہے نیزچھلکے والی مچھلیاں قبضے میں رکھنا اور ان کی فروخت بھی ممنوع ہے کیونکہ ان ایام میں مچھلی انڈے اور بچے دیتی ہے اوراپنی نسل کو آگے بڑھاتی ہے۔انہوں نے بتایا کہ مچھلی ان دنوں میں دریا اور دریا سے باہر ڈھنڈوں میں انڈے دیتی ہے، ضلع بھر کے مچھلی کے ٹھیکیداروں کو بھی ہدایت کی گئی ہے کہ وہ اس دوران دریا میں جال نہ لگائیں۔
اسسٹنٹ ڈائریکٹر فشریز نے بتایا کہ ضلعی سطح پر سپیشل ریڈ ٹیم تشکیل دی گئی ہے جو اس دوران مچھلیوں کے شکارکی روک تھام کیلئے عملی اقدامات کرے گی۔ انہوں نے بتایا کہ ڈویڑنل اور صوبائی سطح پر بھی ریڈ ٹیمیں تشکیل دی گئی ہیں جو ڈویڑن اور صوبہ کی سطح پر چھاپے ماریں گی۔ انہوں نے مچھلیوں کے شکار کے ٹھیکیداروں کو ہدایت کی کہ وہ ایسی کشتیاں جن میں جال موجود ہیں فور ی طور پر دریا سے نکال لیں بصورت دیگر جال بمعہ کشتی بحق سرکار ضبط کرلئے جائیں گے۔
Loading...
%d bloggers like this: