مظفرگڑھ (مظفرگڑھ ڈاٹ سٹی۔ 10 جون2020ء) نہر میں شگاف پڑنے سے سینکڑوں ایکڑ اراضی زیر آب آگئی۔ ریسکیو زرائع کے مطابق مظفرگڑھ ملتان روڈ پر تلیری پل سے ٹھوکر کی طرف جاتے ہوئے بستی سلطان کے قریب سے گزرنے والی تلیری نہر میں 30 فٹ چوڑا شگاف پڑ گیا شگاف پڑنے سے سینکڑوں ایکڑ اراضی پر کاشتہ فصلات زیر آب آ گئی ہیں، شگاف پڑنے کی وجہ ابھی معلوم نہیں ہو سکی۔واقعہ کی اطلاع ملنے پر ریسکیو 1122 مظفرگڑھ کی امدادی ٹیموں نے موقع پر پہنچ کر علاقے کو کارڈن آف کرکے محکمہ آبپاشی کے اہلکاروں اور مقامی افراد کے ساتھ مل کر شگاف پر کرنے کا کام شروع کر دیا اور 3 گھنٹوں کے آپریشن کے بعد شگاف کو کامیابی سے بند کر دیا۔ فصلات زیر آب آنے سے متاثر ہوئی ہیں تاہم کوئی جانی نقصان نہیں ہوا۔