Home / News / مظفرگڑھ، متعدد وارداتوں میں مطلوب ملزمان کے خلاف پولیس کی کارروائی،مویشی، موٹر سائیکل چور گینگ کا سرغنہ گرفتار

مظفرگڑھ، متعدد وارداتوں میں مطلوب ملزمان کے خلاف پولیس کی کارروائی،مویشی، موٹر سائیکل چور گینگ کا سرغنہ گرفتار

مظفرگڑھ ۔ (مظفرگڑھ ڈاٹ سٹی ۔ 09 اگست2019ء) متعدد وارداتوں میں مطلوب ملزمان کے خلاف کی کارروائی، بھینس، بکری، پیٹر اور موٹرسائیکل چور گینگ کا سرغنہ جاوید عرف جیدا گرفتار، مسروقہ مال برآمد، ساتھی فرار۔
تفصیلات کے مطابق گزشتہ روز پولیس تھانہ شہرسلطان نے اطلاع ملنے پر نواحی علاقے بلوسندیلہ میں ایک ایسے گینگ سرغنہ کو گرفتار کیا ہے جو عرصہ دراز سے مختلف علاقوں میں غریب عوام کے پیٹر انجن،بھینسیں،بکریاں اور موٹر سائیکل چوری کرنے کی وارداتیں کرتے تھے لیکن مقامی زمینداروں کی پشت پناہی کی وجہ سے ان کو گرفتار نہیں کیا جارہا تھا جس کی وجہ سے عوام اپنے قیمت سرمایہ کھو جانے کی وجہ سے پریشان تھی گزشتہ روز اس گینگ نے مقامی زمیندار ملک زاہد سندیلہ کے باغ میں سے اپنے ساتھیوں کی مدد سے کئی من آم توڑ لئے ملک زاہد نے پولیس کو اطلاع کی، جس پر پولیس نے چھاپہ مار کر جیدے کے گھر سے چوری شدہ آم برآمد کر لئے اورملزم کو موقع پر گرفتار کر کے مقدمہ درج کر کے حوالات بند کردیا اور دوسرے ساتھیوں کو پکڑنے کیلیے چھاپے مارنے شروع کر دیے ہیں پولیس ذرائع کا کہنا ہے کہ یہ بہت بڑا گینگ ہے ان کے رابطے دوسرے علاقے کے چوروں اور ڈکیتوں سے ہیں ان کے ہاں اشتہاری بھی ٹہرتے ہیں ان کو یہ پناہ دیتے ہیں پھر ان کے ساتھ مل کر وارداتیں کرتے ہیں۔

Loading...
%d bloggers like this: