Home / News / مظفرگڑھ، ضلع بھر سے چائلڈ لیبر کے خاتمے کیلئے عملی اقدامات کئے جارہے ہیں، غلام شبیر کلیار

مظفرگڑھ، ضلع بھر سے چائلڈ لیبر کے خاتمے کیلئے عملی اقدامات کئے جارہے ہیں، غلام شبیر کلیار

مظفرگڑھ (مظفر گڑھ ڈاٹ سٹی۔ 24 فروری2020ء) ڈپٹی ڈائریکٹر لیبر ویلفیئر غلام شبیر کلیار نے کہا ہے کہ حکومت پنجاب کی ہدایت کی روشنی میں ضلع بھر سے چائلڈ لیبر کے خاتمے کیلئے عملی اقدامات کئے جارہے ہیں، ضلع بھر میں بھٹوں، دکانوں، ورکشاپس، ہوٹلوں اور ریستورانوں کا معائنہ کیا جارہا ہے، بچوں سے مشقت لینے پر نہ صرف بھاری جرمانہ کیا جارہا ہے بلکہ مشقت لینے والوں کے خلاف مقدمات بھی درج کرائے جارہے ہیں۔انہوں نے جھنگ موڑ مظفرگڑھ پر نیور ریواڑی سوئیٹس اور احمد سوئیٹس اینڈ بیکرز کا معائنہ کیا اور مذکورہ دکانوں پر 10سالہ صابر ولد غلام مرتضیٰ اور 13سالہ شیان سے مشقت لینے پر مالکان کے خلاف تھانہ سٹی میں ایف آئی آر در ج کرادی۔

Loading...
%d bloggers like this: