Breaking News
Home / News / مظفرگڑھ، زمین کا تنازعہ، مسلح افراد نے محنت کشوں کو شدید زخمی کردیا

مظفرگڑھ، زمین کا تنازعہ، مسلح افراد نے محنت کشوں کو شدید زخمی کردیا

مظفرگڑھ۔ (مظفرگڑھ ڈاٹ سٹی ۔ 16 ستمبر2019ء) زمین کے تنازعہ پر ملزمان کا محنت کشوں پر دھاوا، مسلح افراد نے پسٹل کے بٹ اور سوٹوں کے وار سے شدید زخمی کردیا۔

رنگ پور موضع سلہی چاہ مرھانہ والے کے رہائشی محمد اقبال، زاہد اقبال، شاہد اقبال، محمد عاشق مرھانہ نے بتایا کہ اپنی زمین پر پانی کے وارے کے لئے رات کو پہنچے تو اچانک ملزمان محمد گلزار عرف گلی، جمشید عرف جموں، ممتازعرف شیرا اقوام کھرل وہاں پر آگئے جن کے ہاتھوں میں ڈنڈے اور پسٹل تھا اور انہوں نے آتے ہی گالیاں دینی شروع کر دیں اور کہا کہ پانی لگانے کا مزہ چکھاتے ہیں، جس پر ہم نے کہا کہ عرصہ دراز سے زمین ہماری ہے آپ ہمیں کیسے روک سکتے ہیں جس پر ملزمان نے ڈنڈے اور پسٹل کے بٹ مارنا شروع کر دیے جس سے شاہد اقبال، محمد اقبال شدید زخمی ہو گئے اور خون سے لت پت ہو گئے، ملزمان نے عاشق کے جسم کے مختلف حصوں پر وار کئے،انہوں نے بتایا کہ ہمارے شور واویلا کرنے پر قریبی رہائشی محمد ارشد مرھانہ، عبدالرزاق مرھانہ و دیگر نے موقع پر پہنچ کر ہماری جان بخشی کرائی جس پر ملزمان فرار ہو گئے، انہوں نے کہا کہ ملزمان اکثر ہمیں جان سے مارنے کی دھمکیاں دیتے رہتے ہیں جس کی وجہ سے ہمیں شدید پریشانی کا سامنا ہے، انہوں نے ڈی پی او مظفر گڑھ صادق علی ڈوگر سے انصاف کی اپیل کرتے ہوئے ملزمان کے خلاف سخت کارروائی کا مطالبہ کیا ہے۔

x (x)
Loading...