Breaking News
Home / News / مظفرگڑھ، بلاول بھٹو زرداری کے جلسہ عام کی اجازت کے لئے باضابطہ درخواست

مظفرگڑھ، بلاول بھٹو زرداری کے جلسہ عام کی اجازت کے لئے باضابطہ درخواست

مظفر گڑھ ۔ (مظفرگڑھ ڈاٹ سٹی۔ 28 اکتوبر2019ء) پیپلز پارٹی مظفر گڑھ کے وفد کی ڈپٹی کمشنر مظفرگڑھ علی عامر شہزاد اور ڈی پی او صادق علی ڈوگر سے ملاقات، بلاول بھٹو زرداری کے مظفرگڑھ میں 8 نومبر کو منعقد ہونے والے جلسہ عام کی اجازت کے لئے باضابطہ درخواست دے دی۔

وفد کی قیادت ضلعی صدر ملک بلال کھر نے کی، وفد میں پیپلز پارٹی جنوبی پنجاب کے نائب صدر مہر ارشاد احمد سیال ممبر قومی اسمبلی، سیکرٹری اطلاعات ساؤتھ پنجاب و ممبر قومی اسمبلی نوابزادہ افتخار احمد خان، ضلعی جنرل سیکرٹری ملک مظہر حسین پہوڑ ایڈووکیٹ، پیپلز لائرز فورم پنجاب کے نائب صدر ملک صفدر پہوڑ، ساحل چانڈیہ، ملک الطاف کالرو و دیگر شریک تھے۔

وفد نے جلسہ عام کیلئے فیصل سٹیڈیم اور سپورٹس گراؤنڈ کالج کیلئے جگہ مختص کرنے کی درخواست دی۔ بعد ازاں صحافیوں سے گفتگو کرتے ہوئے وفد کے ممبران نے کہا کہ بلاول بھٹو کا مظفر گڑھ کا جلسہ نئی تاریخ رقم کریگا، ضلع بھر کے عہدیدار وکارکنان اور عوام اپنے نوجوان چیئرمین کے استقبال اور انکی جھلک دیکھنے کیلئے بے تاب ہیں۔ انھوں نے کہا کہ پاکستان کے اندرونی اور بیرونی مسائل کاحل صرف اور صرف بلاول بھٹو زرداری اور پاکستان پیپلزپارٹی کے پاس ہے۔

Loading...