Breaking News
Home / News / مظفرگڑھ، آئل ٹینکرز کے حادثات کے پیش نظر امدادی کارروائیوں کے سلسلہ میں مشق کا انعقاد

مظفرگڑھ، آئل ٹینکرز کے حادثات کے پیش نظر امدادی کارروائیوں کے سلسلہ میں مشق کا انعقاد

مظفرگڑھ (مظفرگڑھ ڈاٹ سٹی۔ 17 دسمبر2019ء) شاہرات پر ہونے والے آئل ٹینکرز کے حادثات کے پیش نظر بروقت امدادی کارروائیوں کے سلسلہ میں ریسکیو 1122 مظفرگڑھ اور آئل کمپنی کے ساتھ مل کرمشق کا انعقاد کیا گیا۔اس موقع پر ڈپٹی کمشنر امجد شعیب ترین اور ڈسٹرکٹ ایمرجنسی آفیسر ڈاکٹر محمد ارشاد الحق موجود تھے۔ آئل کمپنیوں کے اہلکار اور ریسکیو اہلکاروں نے کسی بھی نا گہانی صورتحال یا آئل ٹینکرز کے حادثات کی صورت میں بروقت امدادی کارروائی، زخمیوں کو فوری طبی امداد فراہم کرنے اور آگ پر قابو پانے کا عمل مظاہرہ کیا گیا۔ڈپٹی کمشنر نے کہا کہ ریسکیو 1122 مظفرگڑھ آئل ٹینکرز کے بڑھتے ہوئے حادثات کو روکنے اور آئل کمپنیوں کے اہلکاروں کو حادثات کے دوران طبی امداد فراہم کرنے کے لیے گراں قدر خدمات سر انجام دے رہا ہے جو کہ قابل تحسین ہے۔

آئل کمپنی کے اہلکاروں کی صلاحیتوں کو جانچنے کے لیے اس طرح کی مشقوں کا انعقاد بہت ضروری ہے۔ ڈسٹرکٹ ایمرجنسی آفیسر ڈاکٹر ارشاد الحق نے بتایا کہ پنجاب ایمرجنسی سروس ریسکیو کا مقصد محفوظ معاشرے کے ساتھ ساتھ سرکاری و غیر سرکاری اداروں کو بھی حادثات سے محفوظ کرنا ہے اور اس مشق کا مقصد عوام الناس اور پرائیوٹ آئل کمپنیوں کے اہلکاروں کو آگ اور دیگر حادثات کے دوران متاثرین کو طبی امداد فراہم کرنے کے لیے تیار کرنا ہے۔

اس موقع پر آئل کمپنیوں اور پارکوکے تمام چیف ایگزیکٹو افسرا ن بھی موجود تھے۔

Loading...
%d bloggers like this: