Home / News / مظفرگڑھ،تیز رفتار ٹرک کا محکمہ ایکسائز کی کھڑی گاڑی کو ٹکر،ایکسائز کی گاڑی کے قریب کھڑا اہلکار موقع پر ہی جاں بحق

مظفرگڑھ،تیز رفتار ٹرک کا محکمہ ایکسائز کی کھڑی گاڑی کو ٹکر،ایکسائز کی گاڑی کے قریب کھڑا اہلکار موقع پر ہی جاں بحق

مظفرگڑھ۔ ( مظفرگڑھ ڈاٹ سٹی ۔ 24 جولائی2019ء) مظفرگڑھ ڈیرہ غازی خان روڈ پر تھرمل بائی پاس کے قریب محکمہ ایکسائز کی ٹیم ناکہ لگا کرگاڑیوں کے کاغذات کی چیکنگ کر رہی تھی کہ ایک تیز رفتار ٹرک نے محکمہ ایکسائز کی کھڑی گاڑی کو ٹکر ماردی،ٹکر کی وجہ سے محکمہ ایکسائز کی گاڑی کے قریب کھڑا ہوا اہلکار فیاض موقع پر ہی جاں بحق ہو گیا۔
حادثہ ٹرک ڈرائیور کی لاپرواہی اور بروقت بریک نہ لگنے کے باعث پیش آیا۔حادثے کے فوراً بعد ٹرک ڈرائیور کی موقع سے فرار ہونے کوشش ناکام بنادی گئی،حادثہ اتنا شدید تھا کہ ایکسائز اہلکار کا جسم دو حصوں میں تقسیم ہو گیا۔ ریسکیو 1122 مظفرگڑھ کی ایمبولینس کا جائے حادثہ پر بروقت رسپانس فوری محکمہ ایکسائز اہلکار کی نعش کو ڈیڈ باڈی شیٹ سے کور کرتے ہوئے ڈسٹرکٹ ہیڈ کوارٹر ہسپتال مظفرگزھ منتقل کر دیا گیا۔پولیس نے موقع پر پہنچ کر حادثے کی انکوائری شروع کر دی۔

Loading...