Home / News / مظفرگڑھ،بھارتی مظالم کیخلاف، کشمیریوں سے اظہار یکجہتی کے لیے ایک بزرگ شخص تنہا ہی احتجاج کے لیے نکل پڑا

مظفرگڑھ،بھارتی مظالم کیخلاف، کشمیریوں سے اظہار یکجہتی کے لیے ایک بزرگ شخص تنہا ہی احتجاج کے لیے نکل پڑا

مظفرگڑھ۔ (مظفرگڑھ ڈاٹ سٹی ۔ 7 اگست2019ء) بھارتی مظالم کیخلاف اور کشمیریوں سے اظہار یکجہتی کے لیے ایک بزرگ شخص تنہا ہی احتجاج کے لیے نکل پڑا۔تفصیلات کیمطابق مظفرآباد ملتان کا رہائشی حاجی خضرحیات کشمیری مظالم کیخلاف احتجاج کرتے ہوئے کچہری چوک مظفرگزھ پر پہنچا،بعدازاں مظفرگڑھ پریس کلب کے سامنے پہنچ کر اس نے احتجاجی کیمپ لگادیا۔
احتجاج کرنے والے بزرگ نے پریس کلب کے سامنے لگائے گئے کیمپ میں بھارت اور بھارتی وزیراعظم نریندر مودی کے خلاف شدید نعرہ بازی بھی کی۔حاجی خضرحیات کا کہنا تھا کہ بھارتی مظالم کے حوالے سے عالمی رویہ انتہائی افسوسناک ہے۔احتجاجی کیمپ لگانے والے بزرگ نے وزیراعظم پاکستان عمران خان سے اپیل کی کہ بھارتی مظالم کو دنیا بھر میں اجاگر کیا جائے اور کشمیریوں سے اظہار یکجہتی اور انکی مدد کے لیے کسی بھی قسم کی قربانی سے دریغ نہ کیا جائے۔

Loading...