Breaking News
Home / News / مظفرگڑھ،ایمبولینس اور آئل ٹینکر کے درمیان خوفناک تصادم،4 افراد شدید زخمی

مظفرگڑھ،ایمبولینس اور آئل ٹینکر کے درمیان خوفناک تصادم،4 افراد شدید زخمی

مظفرگڑھ (مظفرگڑھ ڈاٹ سٹی ۔ 07 اگست2019ء) ریسکیو ذرائع کے مطابق مظفرگڑھ ڈیرہ غازی خان روڈ پر باڑا سٹاپ کے قریب پرائیویٹ ایمبولینس اور آئل ٹینکر کے درمیان خوفناک تصادم میں 4 افراد شدید زخمی ھو گئے۔ عینی شاھدین کے مطابق حادثہ تیز رفتاری اور اوور ٹیک کرنے کے باعث پیش آیا، پرائیویٹ ایمبولینس میں ڈیڈ باڈی حاصل پور سے بصیرہ منتقل کرنے کیلئے لے جائی جا رھی تھی۔
حادثے کی وجہ سے ایمبولینس کا ڈرائیور بری طرح ایمبولینس میں پھنس گیا تھا جسے بحفاظت نکالنے کیلئے ایمبولینس کی باڈی کو کاٹنا پڑا ڈرائیور کو بحفاظت نکالنے کے بعد انڈس ھسپتال مظفرگڑھ میں منتقل کر دیا گیا ھے۔ حادثے کی اطلاع ملتے ھی ڈسٹرکٹ ایمرجنسی آفیسر ڈاکٹر محمد ارشاد الحق نے 3 ایمبولینس،فائر وھیکل ریسکیو وھیکل اور 10 سے زائد ریسکیورز کے ھمراہ فوری طور پر جائے حادثہ پر پہنچے اور ریسکیو آپریشن شروع کر دیا۔
ڈرائیور کے علاوہ دیگر زخمیوں کو ابتدائی طبی امداد کے بعد ڈسٹرکٹ ھیڈکوارٹر ھسپتال منتقل کر دیا جبکہ ڈرائیور کو ایمبولینس کی باڈی کاٹ کر نکالنے کے بعد انڈس ھسپتال منتقل کر دیا گیا ھے آئل ٹینکر ڈیرہ غازی خان سے ملتان جا رھا تھا اور اس میں 40 ھزار لیٹر پیٹرول موجود تھا اس لئے ریسکیو آپریشن سڑک بند کر کے بڑی احتیاط کے ساتھ کیا گیا۔

Loading...