مظفرگڑھ۔ (مظفرگڑھ ڈاٹ سٹی۔ 23 ستمبر2019ء) اراضی سنٹر جتوئیکرپشن کا گڑھ بن گیا،سرعام رشوت کی وصولی جاری،تحصیل جتوئی میں واقع اراضی ریکارڈ سنٹر کی کرپشن عروج پر پہنچ گئی ہے۔
یہاں آنے والے سائلین سے سرعام رشوت وصول کی جاتی ہے اور رشوت لینے والے کا کام کیا جاتا ہے رشوت دینے سے انکار کرنیوالے کو عملے کو کبھی اسکا کام نا ہونے کی دھمکیاں اور بد تمیزی معمول بن کر رہ چکی ہے یہاں آنے والے کچھ سائلین محمد عامر،محمد بشیر،محمد ارسلان،محمد ایوب،محمد ناصر،ودیگر نے صحافیوں سے گفتگو کرتے ہوئے بتا یا کہ جس کام کی کوئی سرکاری فیس نہیں یا چند سو فیس ہے اس کام کیلئے ہزاروں روپے طلب کئے جاتے ہیں اور رشوت دینے سے انکار کیا جائے تو عملہ صاف کہہ دیتا ہے کہ پیسے نہیں دوگے تو کام نہیں ہوگا۔
سائلین نے مزید بتایا کہ رشوت نہ دیں تو عملہ بد تمیزی بھی کرتا ہے اور لائن میں کھڑا کردیا جاتا ہے اور ایک بوگس ٹوکن نمبر دیدیا جاتا جسکی وجہ سے رشوت نہ دینے والے سائلین وہیں کے وہی بیٹھے رہ جاتے ہیں اور رشوت دینے والے بغیر قطار و نمبر اپنا کام کرا کے چلتے بنتے ہیں۔