Home / News / مسلم لیگ ن کی اعلیٰ قیادت نے سیاسی مخالفین کی تمام تر ڈس انفارمیشن کو غلط ثابت کر دیا ہے۔عبدالعلیم شاہ

مسلم لیگ ن کی اعلیٰ قیادت نے سیاسی مخالفین کی تمام تر ڈس انفارمیشن کو غلط ثابت کر دیا ہے۔عبدالعلیم شاہ

مظفر گڑھ۔12 دسمبر(مظفر گڑھ ڈاٹ سٹی۔ 12 دسمبر2017ء) پاکستان مسلم لیگ ن کے رکن صوبائی اسمبلی حماد نواز خان ٹیپو نے کہا ہے کہ مسلم لیگ ن کی جمہوری حکومت اپنی موجودہ آ ئینی مدت پوری کرتے ہوئے سال 2018ء کے عام انتخابات میں بھی بھاری اکثریت حاصل کرے گی۔ مظفرگڑھ پریس کلب میں پریس کانفرنس سے خطاب کرتے ہوئے انہوں نے کہا کہ مسلم لیگ ن کی اعلیٰ قیادت نے سیاسی حکمتِ عملی سے کام لیتے ہوئے اور ہم خیال جماعتوں کو اعتماد میں لے کرسیاسی مخالفین کی تمام تر ڈس انفارمیشن کو غلط ثابت کر دیا ہے۔انہوں نے کہا کہ مسلم لیگ ن کی اعلیٰ قیادت نے میرے حلقے کے لئے فراخدلانہ گرانٹس مہیا کرکے ورکرز نوازی کی اعلی مثال قائم کی ہے۔انہوں نے کہا کہ میری ایم پی اے شپ کے دوران مسلم لیگ ن کی حکومت نے ریکارڈ ترقیاتی کام کروائے جبکہ گزشتہ 70 سالوں میں اس حلقے میں اس قدر ترقیاتی کام نہیں ہوئے۔ان کا مزید کہنا تھا کہ میرے ساڑھے چار سالہ دور میں بلا امتیاز ترقیاتی کام میری حلقے کے غریب عوام سے بے پناہ محبت اور بے لوث خدمت کا منہ بولتا ثبوت ہیں۔انہوں نے کہا کہ وہ چوک سرور شہید کو تحصیل بنانے کے حق میں ہیں تاہم پھر سب تحصیل رنگ پور کو مظفرگڑھ تحصیل میں رہنے دیا جائے کیونکہ مظفرگڑھ تحصیل ضلع مظفرگڑھ کی سب سے بڑی تحصیل ہے۔انہوں نے مظفرگڑھ پریس کلب کو نئی بلڈنگ ملنے پر صدر اے بی مجاھد اور دوسرے عہدیداروں کو مبارکباد دیتے ہوئے اپنے مکمل تعاون کا یقین دلایا۔اس موقع پر منور حسین بھٹی،اعظم بلوچ،مختیار احمد چوغطہ،فرحان ہاشمی،مخدوم جمشید ستاری،ماجد رحیم خانزادہ، اور احمد سعید چوہدری موجود تھے۔

Loading...
%d bloggers like this: