Breaking News
Home / News / مسلم لیگ (ق) جنوبی پنجاب میں ایڈجسٹمنٹ فارمولا کے تحت اپنے امیدوار کھڑے کرے گی، دوسری پارٹیوں میں جانے والوں کو پچھتاوے کے سوا کچھ نہیں ملے گا ، نائب وزیراعظم چوہدری پرویز ا لٰہی کی پارٹی رہنماؤں رکن الدین میرانی ،خان بہادر سے ملاقات کے دوران گفتگو

مسلم لیگ (ق) جنوبی پنجاب میں ایڈجسٹمنٹ فارمولا کے تحت اپنے امیدوار کھڑے کرے گی، دوسری پارٹیوں میں جانے والوں کو پچھتاوے کے سوا کچھ نہیں ملے گا ، نائب وزیراعظم چوہدری پرویز ا لٰہی کی پارٹی رہنماؤں رکن الدین میرانی ،خان بہادر سے ملاقات کے دوران گفتگو

مظفر گڑھ(مظفر گڑھ ڈاٹ سٹی۔5مارچ۔2013ء) نائب وزیراعظم اور مسلم لیگ (ق) پنجاب کے صدر چوہدری پرویز الٰہی سے لاہور میں امیدوار صوبائی اسمبلی حلقہ پی پی 256 خان گڑھ رانا امجد علی ایڈووکیٹ ، ممبر سینٹرل ایگزیکٹو کمیٹی رکن الدین میرانی اور ممبر صوبائی کونسل (ق) لیگ خان بہادر شر نے ملاقات کی۔اس موقع پر گفتگو کرتے ہوئے چوہدری پرویز الٰہی نے کہا کہ مسلم لیگ ق جنوبی پنجاب میں ایڈجسٹمنٹ فارمولا کے تحت اپنے امیدوار کھڑے کرے گی اور کارکنوں سے مشاورت کی جائے گی۔ انہوں نے کہا کہ جو لوگ دوسری طرف جار ہے ہیں انہیں پچھتاوے کے علاوہ کچھ نہیں ملے گا ۔ انہوں نے پارٹی رہنماؤں کو ہدایت کی کہ وہ انتخابات کی بھرپور تیاری کریں۔
Loading...