Breaking News
Home / News / محمودکوٹ کے قریب دو ویگنوں میں تصادم،7فرادجاںبحق،20 زخمی

محمودکوٹ کے قریب دو ویگنوں میں تصادم،7فرادجاںبحق،20 زخمی

مظفرگڑھ۔(مظفر گڑھ ڈاٹ سٹی۔ 12 اکتوبر2018ء) محمود کوٹ روڈ پر محمد موسیٰ دربار کے قریب دو مسافر ویگنوں میں خوفناک تصادم کے نتیجے میں 7 افراد جاںبحق 20 افراد زخمی ہوگئی. ڈپٹی کمشنر مظفرگڑھ قیصر سلیم حادثے کے فوری بعد ہسپتال پہنچ گئے، زخمیوں کو فوری طبی امداد فراھم کرنے کا حکم جاری کردیا۔تفصیلات کے مطابق ایک ویگن کوٹ ادو سے مظفرگڑھ دوسری ملتان سے کوٹ ادو جاتے ہوئے محمد موسیٰ دربار کے قریب اوور ٹیک کرتے ہوئے ٹکرا گئیں جس کی وجہ سے 6 افراد موقع پر جاں بحق 20 شدید زخمی ہوئے۔ڈسٹرکٹ ایمرجنسی آفیسر ڈاکٹر محمد ارشاد الحق نے اس حادثے کے بارے میں بتایا کہ ریسکیو 1122 مظفرگڑھ کی 6 سے زائد ایمبولینس اور فائر وہیکل اور 20 سے زائد ریسکیو اہلکار بر وقت جائے حادثہ پر پہنچے۔ریسکیو آپریشن جاری کرتے ہوئی20 زخمی افراد کو موقع پر ابتدائی طبی امداد فراہم کی اور ڈسٹرکٹ ہیڈکوارٹر ہسپتال مظفرگڑھ منتقل کر دیا گیا۔ جہاں سے شدید زخمی افراد کو پیشنٹ ٹرانسفر سروس کے ذریعے نشتر ہسپتال ملتان منتقل کیا جا رھا ھے جبکہ حادثے کی اطلاع ملتے ھی ڈپٹی کمشنر قیصر سلیم ڈسٹرکٹ ہسپتال مظفرگڑھ پہنچ گئے اور زخمیوں کی عیادت کی اور فوری بہترین طبی امداد کے احکامات بھی دیئے، انکا کہنا تھا کہ حادثہ بہت افسوس ناک ہے، اس حادثے کی درست وجوھات بھی معلوم کی جائیں گی.جاں بحق ہونیو الے افراد میں غلام عباس ، صابر چانڈیہ ، غلام اکبر ،باسط لغاری ، ایڈگر انور اور دو نامعلوم شخص شامل ہیں جبکہ زخمی ہونے والے مسافروں میں محمد عمران، محمد یونس، مختیار احمد ،محمدیر، مسعود، رضوان، ناصر، یاسمین، رمحمد،سمیرا،نوید،کیف،کلثوم،باسط،محمداسلم،محمدعابد،اکبر،فرحان،عمرمشتاق،منورعباس،فوزیہ شامل ہیں۔
Loading...
%d bloggers like this: