Home / News / متاثرین زلزلہ کی مشکلات کا بھر پوراحساس ہے انکی مکمل بحالی تک چین سے نہیں بیٹھیں گے،سکندر حیات خان شیر پاؤ

متاثرین زلزلہ کی مشکلات کا بھر پوراحساس ہے انکی مکمل بحالی تک چین سے نہیں بیٹھیں گے،سکندر حیات خان شیر پاؤ

الپوری ( مظفر گڑھ ڈاٹ سٹی۔18 نومبر۔2015ء ) شا نگلہ سینئر صوبائی وزیر اورقومی وطن پارٹی کے صوبائی چیئرمین سکندر حیات خان شیر پاؤ نے کہاہے کہ ہمیں متاثرین زلزلہ کی مشکلات کا بھر پوراحساس ہے اوران کی مکمل بحالی تک چین سے نہیں بیٹھیں گے۔وہ بدھ کے روزچکیسر شانگلہ میں ایک عوامی اجتماع سے خطاب کر رہے تھے جس سے دوسروں کے علاوہ قومی وطن پارٹی کے سینئر رہنما افضل رحمان نو نو ، ضلعی چیئر مین متوکل خان اور جنرل سیکرٹری ڈاکٹر سجاد احمد نے بھی خطاب کیا۔سینئر وزیرنے کہا کہ قومی وطن پارٹی پختونوں کی نمائندہ جماعت ہے اورپختونوں کے حقوق اور مفادات کے تحفظ کے لئے کسی بھی قربانی سے دریغ نہیں کرے گی۔انہوں نے کہا کہ حالیہ زلزلے کے دوران صوبہ بھر میں بڑے پیمانے پر نقصانات ہوئے ہیں اور متاثرین کے نقصانات کے ازالے اور بحالی کیلئے ترقیاتی پیکج سمیت تمام ممکنہ اقدامات کئے جائیں گے۔انہوں نے کہا کہ چائنہ پاکستان اقتصادی راہداری کے روٹ میں کسی بھی قسم کی تبدیلی کو برداشت نہیں کیا جائے گا کیونکہ اس سے پسماندہ علاقوں کی ترقی وابستہ ہے۔سپاسنامے میں پیش کردہ مسائل و مطالبات جن میں چکیسر ہسپتال کی بحالی شامل ہے، کا ذکر کرتے ہوئے انہوں نے یقین دلایا کہ مسائل کے جلد ازالے کے لئے تمام ضروری اقدامات کئے جائیں گے اور تحقیقات کی جائے گی کہ ہسپتال کی بحالی کا کام ابھی تک مکمل کیوں نہیں کیاجاسکا۔

Loading...
%d bloggers like this: