قوم نکلے گی عید بعد حکمران بھاگنے والے ہیں، جمشید دستی کا دعویٰ

مظفر گڑھ (مظفرگڑھ ڈاٹ سٹی نیوز – 04 مئی2021ء) عوامی راج پارٹی کے سربراہ اور سابق رکن قومی اسمبلی جمشید دستی نے دعویٰ کیا ہے کہ عید کے بعد حکمران بھاگنے والے ہیں کیونکہ قوم نکلے گی۔

مظفر گڑھ میں پریس کانفرنس کے دوران جمشید دستی نے ڈپٹی کمشنر اور ڈی پی او کے حکم پر پولیس کی جانب سے اپنے دفتر میں توڑ پھوڑ کا الزام لگایا۔انہوں نے کہا کہ حکومت نے ناانصافی کابازار گرم کر رکھا ہے، قانون اور آئین کی کتابوں پر عملدرآمد کرانے والا کوئی نہیں۔جمشید دستی نے کہا کہ میرے دفتر سے گاڑی، اسلحہ، لائسنس اور دیگر سامان چوری کیا گیا۔اٴْنہوںنے کہاکہ عدالتی حکم کے باوجود پولیس میری گاڑی واپس نہیں کررہی ہے۔