Breaking News
Home / News / قانون کے تحت ممنوعہ پولی تھین بیگز ضبط کرلئے جائیں گے،ڈسٹرکٹ آفیسر ماحولیات

قانون کے تحت ممنوعہ پولی تھین بیگز ضبط کرلئے جائیں گے،ڈسٹرکٹ آفیسر ماحولیات

مظفر گڑھ۔20 دسمبر(مظفر گڑھ ڈاٹ سٹی۔ 20 دسمبر2016ء) ڈسٹرکٹ آفیسر ماحولیات سید اشفاق احمد نے کہا ہے کہ پولی تھین بیگز آردیننس2002کے تحت بننے والے رولز 2004کے تحت کالے رنگ اور دیگر تمام پولی تھین بیگز جس کی موٹائی 15مائیکرون سے کم ہو ان کی تیاری ، فروخت ، استعمال اور درآمد نہ صرف ممنوع ہے بلکہ خلاف ورزی پر سیکشن 4کے تحت 50ہزار روپے جرمانہ یا 3ماہ قید یا یکمشت دونوں سزائیں بھی دی جاسکتی ہیں۔سینئر سول جج بطور ماحولیات مجسٹریٹ سزاد ینے کی مجاز عدالت ہے۔ یہ بات انہوں نے مظفرگڑھ میں مختلف دکانوں پر پولی تھین بیگز کا معائنہ کرتے ہوئے کہی۔ انہوں نے کہا کہ قانون کے تحت ممنوعہ پولی تھین بیگز ضبط کرلئے جائیں گے اور دکان یا کاروبارکو سیل کردیا جائے گا۔انہوں نے کہا کہ پولی تھین ویسٹ سے آلودگی کے ساتھ ساتھ شہروں کی صفائی کی ابتر صورتحال اور سیوریج کے نظام کی بندش کی وجہ بنتے ہیں۔انہوںنے مزید کہا کہ ممنوعہ پولی تھین بیگز کی تیاری ، فروخت ، استعمال اور درآمد کے خلاف محکمہ ماحولیات کی بھر پور کاروائی جاری ہے ، پولی تھین بیگز کی وجہ سے بڑھتی ہوئی ماحولیاتی آلودگی ، صحت اور فصلوں پر برے اثرات کی وجہ سے محکمہ ماحولیات کاروائی کے ساتھ ساتھ عوام کو آگاہی بھی دے رہا ہے ۔
Loading...
%d bloggers like this: