Home / News / فیئر پرائس شاپ پر سپریم کورٹ کے حکم کے مطابق چینی 70 روپے فی کلو گرام کے حساب سے فروخت کی جا رہی ہے،اہل علاقہ

فیئر پرائس شاپ پر سپریم کورٹ کے حکم کے مطابق چینی 70 روپے فی کلو گرام کے حساب سے فروخت کی جا رہی ہے،اہل علاقہ

مظفرگڑھ۔ (مظفرگڑھ ڈاٹ سٹی ۔ 15 جون2020ء) مظفرگڑھ کے قصبہ سنانواں میں سپریم کورٹ کے حکم پر شیخو شوگر ملز کی طرف سے گھریلو صارفین کے لیے چینی 70 روپے کلو کے حساب سے دستیاب۔تفصیل کے مطابق مظفرگڑھ کے قصبہ سنانواں میں شیخو شوگر ملز کی طرف سے فیئر پرائس شاپ پر سپریم کورٹ کے حکم کے مطابق چینی 70 روپے فی کلو گرام کے حساب سے فروخت کی جا رہی ہے،جس پر لوگوں کی کثیر تعداد نے قطار در قطار چینی حاصل کی۔فیئر پرائس شاپ پر موجود عامر، ریاض، رشید،وحید اور دیگر لوگوں نے کہا کہ عوام کو سہولیات فراہم کرنا حکومت اور قانون نافذ کرنے والے اداروں کی ذمہ داری ہے۔سپریم کورٹ کی طرف سے چینی سستی کرنے پر شکر گزار ہیں اور مطالبہ کرتے ہیں کہ اس کا دائرہ کار وسیع کر کے عام دکان داروں تک پہنچایا جائے تا کہ عوام کو ڈائریکٹ ریلیف مل سکے۔

Loading...
%d bloggers like this: