Breaking News
Home / News / غفلت کے مرتکب ملازمین کا کڑا احتساب کیا جائیگا،سی ای او ہیلتھ مظفرگڑھ

غفلت کے مرتکب ملازمین کا کڑا احتساب کیا جائیگا،سی ای او ہیلتھ مظفرگڑھ

مظفرگڑھ ۔ (مظفر گڑھ ڈاٹ سٹی۔ 29 نومبر2018ء) ڈاکٹر سلیم اکبر لغاری سی ای او ہیلتھ مظفرگڑھ نے کہا ہے کہ حکومت عوام الناس کو طبی سہولیات کی فراہمی کیلئے پرعزم ہے 24/7 سینٹرز کو فعال بنانے کیلئے جزا و سزا کے طریقہ کار پر سختی سے عمل درآمد کیا جائے گا۔ انہوں نے کہاکہ ملازمین کی غیر حاضری یا سرکاری امور میں غفلت کے مرتکب افراد کا کڑا احتساب کیا جائیگا۔یہ بات انہوں نے چارج سنبھالنے کے پہلے روز رات گئے ڈسٹرکٹ ہیڈ کوارٹر ہسپتال مظفرگڑھ دیہی مرکز صحت خانگڑھ اور بنیادی مرکز صحت جگت پور 24/7 سینٹر کے اچانک معائنہ کے موقع پر کہی۔ اس سے قبل ڈاکٹر سلیم اکبرکی بطور سی ای او ہیلتھ تقرری اور ڈاکٹر صدیق بلوچ کے تبادلہ کے سلسلہ میں سٹاف کی جانب سے اعزازیہ تقریب کا انعقاد کیا گیا۔اس موقع پر ڈاکٹر سلیم اکبر نے ڈاکٹر صدیق بلوچ کو زبردست خراج تحسین پیش کیا۔انہوں نے کہاکہ ڈاکٹر صدیق بلوچ نے مظفرگڑھ میں اپنے مختصر سے عرصہ میں مثالی کارکردگی کا مظاہرہ کیا ہے، انہوں نے کہاکہ عوام الناس کی بہتری کیلئے رات دن کوشان رہوں گا۔ بعد ازاں ڈاکٹر صدیق بلوچ نے ان کی زبردست پزیرائی پر افسران اور عملہ کا شکریہ ادا کیا اور مظفرگڑھ میں بیتے دنوں کو ناقابل فراموش قرار دیا۔ اس موقع پر ڈاکٹر اقبال مکول جام عبدالحمید عدنان لغاری نے بھی خطاب کیا اور ڈاکٹر سلیم اکبر لغاری کو اپنے بھرپور تعاون کا یقین دلایا۔

Loading...
%d bloggers like this: