مظفرگڑھ۔۔ (مظفرگڑھ ڈاٹ سٹی ۔ 12 اکتوبر2020ء) : سپرنٹنڈنگ انجینئرمیپکوسرکل مظفرگڑھ انجینئرمہرنذرمحمدڈب نے کہاہے کہ میپکو صارفین سے اچھارویہ اپنایاجائے اور صارفین کی بجلی بحالی کی شکایات کا ازالہ ایمرجنسی بنیادوں پرممکن بنایاجائے۔ کمپلینٹ سنٹرز/کسٹمرسروسزسنٹرزمیں درج ہونے والی شکایات کاازالہ ہونے تک صارفین سے رابطہ رکھاجائے۔
نااہلی اورفرائض میں غفلت برتنے والے سٹاف کے خلاف سخت محکمانہ کاروائی کی جائے گی۔۔انہوں نے کہاکہ کمپلینٹ سنٹرمیں درج ہونے والی شکایات پرصارف کوکمپلینٹ نمبردیاجائے اورشکایات کی صارف سے مکمل معلومات حاصل کی جائیں اورصارفین کی شکایات کاکم سے کم وقت میں ازالہ یقینی بنایاجائے۔ ان خیالات کااظہارانہوں نے میپکوسب ڈویڑن کروڑلعل عیسن کے کسٹمرسروسزسنٹر Iشکایات سنٹرکے اچانک دورے کے موقع پرکیا۔
انہوں نے کہاکہ چیف ایگزیکٹوآفیسرمیپکوانجینئرمحسن رضاخان کی خصوصی ہدایات پر کسٹمرسروسزسنٹرز Iشکایات سنٹرزکوہرممکن سہولیات فراہم کی جارہی ہیں اورصارفین کے مسائل اورشکایات کے حل کے لیے میپکوکی ڈویڑنوں اور سب ڈویڑنوں کے کسٹمرسروسزسنٹرز Iشکایات سنٹرزکی مانیٹرنگ کی جارہی ہے۔انہوں نے شکایات رجسٹرچیک کیااورڈیوٹی پرموجودکمپلینٹ سٹاف کوہدایت کی کہ عملہ مستعدہوکرخدمات سرانجام دے اورتینوں شفٹوں میں الرٹ رہے۔
سپرنٹنڈنگ انجینئرنے میپکوصارفین سے بھی اپیل کی ہے کہ وہ اپنے بجلی بل اوربقایاجات وقت پراداکریں تاکہ بہت سی پریشانیوں سے بچ سکیں۔انہوں نے ایس ڈی او کروڑلعل عیسن کو ہدایت کی بجلی چوروں کو نہ صرف جرمانے کئے جائیں بلکہ ان کے خلاف ایف آئی آر بھی درج کروائی جائے۔ انہوں نے مزید کہاکہ میپکوصارفین سے بدتمیزی اورغیراخلاقی رویہ اپنانے والے میپکو ملازمین کے خلاف سخت محکمانہ کاروائی کی جائے گی۔ انہوں نے کہاکہ سب ڈویڑنل لائن سٹاف مرمتی کاموں اورفیلڈمیں کام کرنے سے قبل ٹی اینڈپی کا استعمال یقینی بنائیں۔