مظفرگڑھ ۔ (مظفر گڑھ ڈاٹ سٹی۔ 22 دسمبر2017ء)سی ٹی ڈی نے مظفرگڑھ کے علاقے میں کارروائی کرتے ہوئے تین دہشت گردوں کو گرفتار کرلیا۔تفصیلات کے مطابق مظفرگڑھ کے شہر کے علاقے راولے والہ میں سی ٹی ڈی نے سرچ آپریشن کے دوران رافیل چرچ کے نزدیک ایک مکان سے 3 دہشت گرد محمد شاہد نفیس جس کا تعلق ساہیوال ، محمد نوید سمندری اور محمد راشد کا تعلق اوکاڑہ سے ہے ،کو گرفتار کر لیا اور ان دہشت گردوں سے 3 ہینڈ گرنیڈ برآمد ہوئے، سی ٹی ڈی کے مطابق ان دہشت گردوں کا تعلق داعش سے ہی. سی ٹی ڈی مظفرگڑھ نے مقدمہ درج کر کے مزید تفتیش شروع کر دی ہیں۔