سول ڈیفنس کی سپیشل برانچ کی ٹیم کے ہمراہ کارروائی،تین غیر قانونی پیٹرول پمپس سیل
مظفرگڑھ (مظفر گڑھ ڈاٹ سٹی۔ 22 جنوری2020ء) ڈپٹی کمشنر انجینئرشعیب امجد ترین کی ہدایت پر سول ڈیفنس کی سپیشل برانچ کی ٹیم کے ہمراہ کارروائی۔تین غیر قانونی پیٹرول پمپس سیل مالکان کے خلاف ایف آئی آر درج۔پولیس تھانہ صدر نے مقدمات درج کرکے کارروائی شروع کردی۔تفصیل کے مطابق ڈپٹی کمشنر انجئینر امجد شعیب ترین کی ہدایات پر ضلع بھر میں پیٹرول کی غیر قانونی فروخت اور ایل پی جی ریفلنگ کے خاتمے کے لئے سول ڈیفنس کی کارروائیاں جاری ہیں۔سپیشل برانچ کی جانب سے کی جانے والی نشاہدہی پر گزشتہ روز سول ڈیفنس آفیسر ملک یاسین نے سپیشل برانچ کی ٹیم اور ڈیفنس کے عملہ کے ہمراہ مرادآباد کے علاقہ میں کارروائی کی۔کارروائی کے نتیجے میں پیٹرول کی غیر قانونی فروخت کے تین پوائنٹس سیل کرکے مالکان جن میں محمد شاہد، احمدحسن اور رانا راشد جبکہ ایک ایل پی جی کی غیر قانونی ریفلنگ کے مرتکب شخص محمد حسین کے خلاف ایف آئی آر کے احکامات جاری کردئے جس پر پولیس تھانہ صدر مقدمات درج کرکے کارروائی شروع کردی ہے۔