Home / News / خان گڑھ میں موٹرسائیکل چھیننے والے ڈاکو ناکامی پر فائرنگ کرتے ہوئے فرار

خان گڑھ میں موٹرسائیکل چھیننے والے ڈاکو ناکامی پر فائرنگ کرتے ہوئے فرار

مظفرگڑھ (مظفرگڑھ ڈاٹ سٹی۔ 13 نومبر2019ء) خان گڑھ میں ڈکیتی کی ایک اور واردات ہو گئی ،موٹرسائیکل چھیننے والے ڈاکو ناکامی پر فائرنگ کرتے ہوئے فرار۔تفصیل کے مطابق خان گڑھ کے نواحی موضع گجوائن میں نامعلوم نقاب پوش ڈاکوؤں نے سابق ممبر ضلع کونسل ساجد محمود خان کے ملازم حاکم ولد اللہ ڈیوایا سے گن پوائنٹ پرنماز عشاء کے وقت موٹرسائیکل چھین لی مزاحمت پر موٹرسائیکل نزدیکی نالے میں گرگئی ناکامی پر ڈاکو ہوائی فائرنگ کرتے ہوئے موقع واردات سے فرار ہو گئے اطلاع ملنے کے باوجود خان گڑھ پولیس موقع پر نہ پہنچ سکی جبکہ ایک ہی رات میں ڈاکوؤں کی یہ چوتھی واردات تھی اس سے قبل ڈاکوؤں نے قومی شاہراہ پر واقع منڈاچوک پر واردات کرتے ہوئے لاکھوں روپے نقدی چھین لی اور فائرنگ کرتے ہوئے فرار ہوگئے جبکہ دوسری واردات قومی شاہراہ پر واقع دائے والی ماڑی میں کی گئی جہاں ڈاکوؤں نے دکاندار کو گن پوائنٹ پر لوٹ لیا اور انہی ڈاکوؤں نے بعدازاں چمن پر بھی ڈکیٹی کی واردات کی جبکہ خان گڑھ پولیس ایک واردات پر پہنچتی تو دوسری واردات کی اطلاع مل جاتی جبکہ دوسری واردات پر پہنچتی تو تیسری واردات کی اطلاع مل جاتی اسی طرح ڈاکوؤں نے خانگڑھ پولیس کو چکرا کر رکھ دیا جبکہ وارداتوں کی اطلاع ملتے ہی دکانداروں نے اپنی اپنی دکانیں بند کر کے گھروں میں چھپ گئے تاجروں نے نااہل ایس ایچ او خان گڑھ سلیم جتوئی کی معطلی کا مطالبہ کرتے ہوئے ڈاکوؤں سے تحفظ دلانے کیلئے ڈی پی او مظفرگڑھ سے اپیل کی ہے۔

Loading...