Breaking News
Home / News / حکومت پنجاب کی ہدایت پر ہر جمعہ کے روز باقاعدگی سے کھلی کچہری لگائی جارہی ہے، اے ڈی سی ریونیومظفرگڑھ

حکومت پنجاب کی ہدایت پر ہر جمعہ کے روز باقاعدگی سے کھلی کچہری لگائی جارہی ہے، اے ڈی سی ریونیومظفرگڑھ

مظفرگڑھ ۔ (مظفر گڑھ ڈاٹ سٹی۔ 19 اپریل2019ء) ایڈیشنل ڈپٹی کمشنرریونیو عطاء الحق نے کہا ہے کہ حکومت پنجاب کی ہدایت پر ہر جمعہ کے روز باقاعدگی سے کھلی کچہری لگائی جارہی ہے جس میں ضلع کے دور دراز کے دیہی علاقوں سے سائلین اپنے مسائل لے کر آتے ہیں اور ضلعی انتظامیہ اور متعلقہ محکمے ان کے حل کیلئے فوری اقدامات کرتے ہیں، یہ بات انہوں نے ضلع کونسل میں کھلی کچہری میں سائلین کے مسائل سننے کے دوران کہی۔انہوں نے کہا کہ تمام محکموں کے ضلعی سربراہان کھلی کچہری میں اپنی حاضری کو یقینی بناتے ہیں تاکہ سائل کے درخواست پر فوری کاروائی کو یقینی بنایا جائے ، میونسپل کمیٹی مظفرگڑھ کے ریٹائرڈ ملازمین کی پینشن اور واجبات کی عدم ادائیگیوں کی درخواست پر اے ڈی سی ریونیو عطاء الحق نے کہا کہ صوبائی حکومت سے ملنے والی گرانٹ سے ترجیح بنیادوں پر تمام پینشنرز کے واجبات ادا کئے جائیں، جس پر چیف آفیسر بلدیہ مظفرگڑھ ذوہیب حمید نے بتایا کہ فنانس ڈیپارٹمنٹ سے گرانٹ مل گئی ہے تاہم ابھی رقم آن لائن نہیں ہوئی ہے تمام کارروائی مکمل کرلی گئی ہے جونہی ہی رقم آن لائن ہوگی تمام پینشنرز کے واجبات ادا کردئیے جائیں گے،کھلی کچہری میں محکمہ تعلیم میں لیڈی ٹیچر کے باہم تبادلے اور پرائمری سکول میں ایل ای ڈی کی چوری کی درخواست دی گئی ، جس پر ایڈیشنل ڈپٹی کمشنر ریونیو عطاء الحق نے فوری کارروائی کے احکامات جاری کئے۔کھلی کچہری میں اسسٹنٹ کمشنر مظفرگڑھ ظہو ر حسین بھٹہ سمیت ضلعی محکموں کے سربراہان نے شرکت کی۔

Loading...
%d bloggers like this: