مظفرگڑھ (مظفر گڑھ ڈاٹ سٹی۔24 اپریل 2018ء) : اینٹی کرپشن نے پیپلزپارٹی کی سابق وزیرخارجہ حناربانی کھراورایم این اے نورربانی کھر کیخلاف مقدمہ درج کر لیا ہے، حنا ربانی کھراورنورربانی کھرکیخلاف جعلسازی کا مقدمہ درج کیا گیا ہے۔میڈیا رپورٹس کے مطابق اینٹی کرپشن ڈیپارٹمنٹ نے سابق وزیرخارجہ حناربانی کھراورایم این اے نورربانی کھر کی جعلسازی کیخلاف ایکشن لے لیا ہے۔اینٹی کرپشن نے حنا ربانی کھراورنور ربانی کھر کیخلاف جعلسازی کا مقدمہ درج کرلیا ہے۔ سابق وزیرخارجہ حناربانی کھرکےخلاف مقدمہ سوتیلے بھائی عبدالخالق کی مدعیت میں درج کیا گیا ہے۔ مقدمے میں نور ربانی کھر اور حنا ربانی کھرسمیت 29 افراد کو نامزد کیا گیا ہے۔مقدمے کے متن کے مطابق نامزد ملزمان نے جعلسازی سے زمین اپنے نام منتقل کرائی۔