مظفرگڑھ ۔ (مظفر گڑھ ڈاٹ سٹی۔ 04 جنوری2019ء) جماعت اسلامی مظفرگڑھ سٹی کا اجتماع ارکان دفتر جماعت اسلامی مظفرگڑھ ڈاکٹر حافظ بشیر احمد کی زیر صدارات منعقد ہوا، جس میں آئندہ ماہ کی پلاننگ کی گئی جس میں فیصلہ کیا گیا کہ ہر ہفتے درس قرآن منعقد کیا جائے گا اور ارکان کی تربیت کے لئے سٹڈی سرکل کا بھی انعقاد کیا جائے گا۔ڈاکٹر حافظ بشیر احمد نے درس دیتے ہوئے کہا کہ اپنی ” میں ” کو ختم کر دیں،( نفس پرستی کے بت کو توڑنا) اجر کی امید صرف اللہ سے لگائیں،یہ بات ذہن میں رکھیں کہ مرنے کے بعد پہلی گواہی تو گھر والوں کی ہوتی ہے،اجتماع ارکان میں ارکان کی کثیر تعداد شریک تھی۔آخر میں سیکرٹری اطلاعات چوہدری شیر علی گجرایڈووکیٹ نے کہا کہ امیر پاکستان محترم سراج الحق کے حکم پر رواں ماہ جنوری سے بھر پور عوامی رابطہ مہم چلائے جائے گی۔