Home / News / تمام امیداروں کو ضابطہ اخلاق کی حدود میں رہ کر یکساں مواقع میسر ہیں،ڈپٹی کمشنر

تمام امیداروں کو ضابطہ اخلاق کی حدود میں رہ کر یکساں مواقع میسر ہیں،ڈپٹی کمشنر

مظفرگڑھ ۔ (مظفر گڑھ ڈاٹ سٹی۔ 17 جولائی2018ء) ڈپٹی کمشنر قیصر سلیم نے کہا ہے کہ الیکشن کمیشن کی طرف سے جاری کردہ انتخابی ضابطہ اخلاق کی خلاف ورزی پر ضلع بھر میں بلا امتیاز کارروائی عمل میں لائی جارہی ہے، مانیٹرنگ افسران اپنے اپنے حلقوں میں روزانہ کی بنیاد پرمعائنہ کرتے ہیں، مانیٹرنگ افسران کی طرف سے موصول ہونے پر امیدواران کو نوٹس جاری کردئیے جاتے ہیں، جس پر سماعت کے بعد قانون کے مطابق ان کے خلاف کارروائی عمل میں لائی جاتی ہے۔انہوں نے کہا ہے کہ الیکشن کمیشن کی طرف سے جاری کردہ انتخابی ضابطہ اخلاق کی حدود سے تجاوز کرنے کی کسی کو بھی اجازت نہیں دی جائے گی، شفاف اور غیر جانبدار انتخابات کیلئے ضلع کی عوام کو پرامن ماحول فراہم کرنا ہماری ذمہ داری ہے ، انتخابات میں حصہ لینے والے تمام امیداروں کو ضابطہ اخلاق کی حدود میں رہ کر یکساں مواقع میسر ہیں، تاہم ضابطہ اخلاق کی خلاف ورزی پر بلا امتیاز کاروائی کی جاتی ہے۔

Loading...
%d bloggers like this: