Home / News / تحصیل علی پور کے مختلف علاقوں میں ٹڈی دل کے خلاف آپریشن

تحصیل علی پور کے مختلف علاقوں میں ٹڈی دل کے خلاف آپریشن

مظفرگڑھ ۔ (مظفرگڑھ ڈاٹ سٹی۔ 16 مئی2020ء) مظفرگڑھ کی تحصیل میں ٹڈی دل کے خلاف اسسٹنٹ کمشنر علی پور محمد عرفان ہنجرا کی قیادت میں آپریشن۔ ٹڈی دل کے خلاف آپریشن علی پور کے علاقوں ہیڈ پنجند،نلکا اڈا،بیٹ معززالدین،بکھری اور مکھن بیلہ میں کیا گیا۔آپریشن میں بلدیہ علی پور ،ریسکیو 1122 علی پور،اور محکمہ زراعت کے اہلکاروں نے حصہ لیا۔آپریشن کے دوران ٹڈی دل کے جھنڈوں پر اسپرے کیا گیا اور ڈھول کا استعمال بھی کیا گیا۔ اسسٹنٹ کمشنر نے بتایاکہ 2 گھنٹے جاری رہنے والے آپریشن کے نتیجے میںعلی پور سے ٹڈی دل کا مکمل صفایا کر دیا گیا ہے۔ انہوں نے کہاکہ علی پور کے عوام تحصیل کے کسی بھی علاقے میں ٹڈی دل کو دیکھیں تو فوری طور پر انہیں آگاہ کریں تا کہ ٹڈی دل کا فوری تدارک کیا جا سکے۔

Loading...
%d bloggers like this: