Home / News / ا سکول وین میں سلنڈر دھماکے کے نتیجے میں 2 بچے جھلس کر جاں بحق

ا سکول وین میں سلنڈر دھماکے کے نتیجے میں 2 بچے جھلس کر جاں بحق

مظفر گڑھ (مظفر گڑھ ڈاٹ سٹی۔27ستمبر 2018ء) : مظفر گڑھ میں ایک سکول وین میں افسوسناک واقعہ پیش آیا ہے۔میڈیا رپورٹس کے مطابق قصبہ گجرات روڈ پر اسکول وین میں سلنڈر دھماکہ ہوا ہے۔جس کے بعد وین میں آگ لگ گئی۔آگ لگنے کے نتیجے میں جاں بحق ہو گئے جب کہ 15 بچے زخمی ہو گئے۔ریسکیو ذرائع کے مطابق متعدد بچوں کی حالت تشویشناک ہے۔ اسکول وین میں 20 سے زائد بچے سوار تھے۔واضح رہے اس سے قبل ایک ایسا ہی واقعہ گجرات میں پیش آتا تھا۔ گجرات میں اسکول وین سانحہ گاڑی میں رکھے پیٹرول کینز کی وجہ سے پیش آیا۔گجرات میں اسکول وین سانحے میں17 قیمتی جانیں ضائع ہوئیں۔ حادثے کے بعد انتظامیہ نے کارروائی کرتے ہوئے ایسی سوسے زائد گاڑیوں کوتحویل میں لے لیا تھا۔جن میں پیٹرولٹینک کے بجائے پیٹرول کین استعمال ہورہے تھے۔عمومی طور پر پیٹرول کے کین پلاسٹک کے ہوتے ہیں جو مسافر سیٹوں کے پاس رکھے جاتے ہیں۔ کین سے پائپ کے ذریعے پیٹرول انجن تک پہنچایا جاتا ہے۔ بیٹری بھی قریب ہی لگی ہوتی ہے، جو اکثر شارٹ سرکٹ کے باعث خوفناک حادثے کا سبب بنتی ہے۔المناک سانحے کی رپورٹ آنے کے بعد موٹروہیکل ایگزامنر انسپکٹر گجرات اور آر ٹی اے سیکریٹری کو معطل کردیا گیا تھا۔اس کے علاوہ ایک واقعہ کراچی میں پیش آیا تھا جس میں چلتی ہوئی اسکول وین سے گیس سلنڈر زور دار دھماکے کے ساتھ نکل کر دور گر جانے اور اس میں سے گیس خارج ہونے کے باعث بچوں میں خوف وہراس پھیل گیا تھا۔رپورٹس میں بتایا گیا تھا کہ انتظامیہ کی جانب سے اسکولوں وین میں نصب غیر معیاری اور مقررہ مقام سے ہٹ کر CNG سلنڈرز لگانے اور LPG سلنڈر استعمال کرنے اور وین میں سلنڈر کے ساتھ پٹرول کو استعمال کرنے اور کھلا پٹرول رکھنے والے لاپرواہ اور غفلت کے مرتب ڈرائیوروں کے خلاف مہم جاری ہے۔کہا گیا تھا کہ کسی بھی ایسے واقعے کی ذمہ دار اسکول انتظامیہ وین مالکان اور ڈرائیورز کسی بھی حادثے کی صورت میں مشترکہ ذمہ دارہونگے ۔
Loading...
%d bloggers like this: