Home / News / Urdu News / امریکی سفارت خانے کا مظفرگڑھ کے نوجوان سپوت ملک زکریا کھر کی ماحولیاتی بہتری اور شجرکاری مہم میں خدمات کا اعتراف

امریکی سفارت خانے کا مظفرگڑھ کے نوجوان سپوت ملک زکریا کھر کی ماحولیاتی بہتری اور شجرکاری مہم میں خدمات کا اعتراف

مظفر گڑھ (مظفرگڑھ ڈاٹ سٹی نیوز – 05 جون2021ء) امریکی سفارت خانے نے مظفرگڑھ کے نوجوان سپوت ملک زکریا کھر کی ماحولیاتی بہتری اور شجرکاری مہم میں خدمات کا اعتراف کیا ہے۔ماحولیاتی بہتری کیلئے کی گئی ان کی کاوشوں کو سراہتے ہوئے ان کی تصویر اپنے سوشل میڈیا اکائونٹ پر شیئر کرتے ہوئے سفارت خانے نے انھیں خراج تحسین پیش کیا ۔

ملک زکریا کھر نے گزشتہ برسوں میں اکیلے 50 ہزار سے زائد پھل دار پودے لگا کر ایک ریکارڈ قائم کیا تھا ،ملک کے سماجی حلقے اور ماحولیاتی بہتری کیلئے کام کرنے والے ادارے ان کی خدمات کا پہلے ہی اعتراف کرچکے ہیں ،ملک زکریا کھر نے سنانواں کے نزدیک نہ صرف اپنے ذاتی رقبے پر پودے لگائے ہیں بلکہ انھوں نے علاقے کے ہر خاندان کو بھی آم کے پودے مفت فراہم کئے ہیں۔

ملک زکریا کھر نے میڈیا سے بات کرتے ہو ئے کہا کہ شجرکاری مہم اور ماحولیاتی بہتری کے حوالے سے وہ وزیراعظم پاکستان عمران خان کے ویژن سے متاثر ہیں۔

Loading...
%d bloggers like this: