Breaking News
Home / News / الخدمت فاؤنڈیشن مظفرگڑھ کے زیر اہتمام ایمبولینس سروس کی افتتاحی تقریب

الخدمت فاؤنڈیشن مظفرگڑھ کے زیر اہتمام ایمبولینس سروس کی افتتاحی تقریب

مظفر گڑھ ۔ (مظفر گڑھ ڈاٹ سٹی۔ 20 مئی2019ء) الخدمت فاؤنڈیشن مظفرگڑھ کے زیر اہتمام ایمبولینس سروس کی افتتاحی تقریب زیر صدارت ڈاکٹر اشرف علی عتیق منعقد ہوئی جس میں مہمان خصوصی سی ای او ہیلتھ ڈسٹرکٹ مظفرگڑھ ڈاکٹر ضیاء الحسن صاحب، سرپرست الخدمت فاؤنڈیشن ضلع مظفرگڑھ پروفیسر افتخار احمد ہاشمی،احمد خلیل سہرانی صدر الخدمت فاؤنڈیشن ضلع مظفرگڑھ اور رانا عمردراز فاروقی ڈائریکٹر آرفن کئیر پروگرام نے بھی شرکت کی۔اس موقع پر افطار ڈنر کا اہتمام بھی کیا گیا جس میں معززین شہر بھی کثیر تعداد میں شریک ہوئے۔صوبائی صدر الخدمت فاؤنڈیشن ڈاکٹر اشرف علی عتیق نے اس موقع پر خطاب کرتے ہوئے کہا کہ الخدمت بلاتفریق رنگ و نسل اور مذہب بے سہارا اور دکھی انسانیت کی خدمت میں مصروف عمل ہے۔ ہمارا ادارہ مکمل طور پر خود مختار، غیر سرکاری اور غیر سیاسی ساکھ کا حامل ہے۔ الخدمت فاونڈیشن کی جانب سے کی جانے والی تمام تر خدمات تنظیم کے خصوصی اصول و ضوابط کے تحت سر انجام دی جاتی ہیں۔

Loading...
%d bloggers like this: