آفت کی اس گھڑی میں ہم ترکی اور شام کے مسلمان بھائیوں کے ساتھ کھڑے ہیں،ڈپٹی کمشنر

انہوں نے کہا کہ موسمی حالات کے پیش نظر ترکی اور شام کے زلزلہ متاثرین کو کمبل اور راشن کی اشد ضرورت ہے۔

انہوں نے بتایا کہ مظفرگڑھ میں فوکل پرسن برائے امدادی فنڈ ایڈیشنل ڈپٹی کمشنر ریونیو عمران شمس کو بنایا گیا ہے، امدادی سامان ان کے دفتر میں بھی جمع کرایا جاسکتا ہے۔ دریں اثنا ڈپٹی کمشنر نے ضلعی محکموں کے سربراہان کو کہا کہ تمام افسران اپنے پیشہ وارانہ فرائض ذمہ داری سے سرانجام دیں،میرے سمیت تمام افسران پبلک سرونٹ ہیں، اس لئے عوام کو زیادہ سے زیادہ ریلیف فراہم کیا جائے گا۔ 

انہوں نے کہا کہ عوامی مسائل میں رکاوٹ کو کسی صورت برداشت نہیں کیا جائے گا، اشیاء خوردونوش کی سرکاری نرخوں پر فراہمی کو یقینی بنایا جائے،ناجائز منافع خوروں، گرانفروشوں، ذخیرہ اندوزوں اور ملاوٹ کرنے والوں سے کوئی رعایت نہیں برتی جائے گی۔ڈپٹی کمشنر نے تمام پرائس کنٹرول مجسٹریٹس کو ہدایت کی کہ وہ پیٹرول پمپ کا بھی معائنہ کریں اور پیٹرولیم مصنوعات کی فراہمی کو بھی سرکاری نرخ پر فراہمی کو یقینی بنائیں۔انہوں نے کہا کہ میں خود بھی کام کرتا ہوں اور اپنے افسران سے کام بھی لیتا ہوں۔کام نہ کرنے والے افسران کی ضلع میں کوئی جگہ نہیں۔