11مظفر گڑھ، محرم الحرام تک فیلڈسٹاف اورافسران کی چھٹیاں منسوخ کردی گئی ہیں، انجینئرمحمدنعیم

مظفر گڑھ (مظفرگڑھ ڈاٹ سٹی ۔ 24 اگست2020ء) قائمقام سپرنٹنڈنگ انجینئرمیپکو سرکل مظفر گڑھ انجینئرمحمدنعیم آخترسامٹیہ نے کہا ہے کہ محرم الحرام میں سرکل مظفر گڑھ میں سب ڈویژنل، ڈویڑنل اورسرکل شکایات سنٹرزاورکسٹمرسروسزسنٹرزمیں سٹاف کی ڈیوٹیاں لگادی گئی ہیں۔ انہوں نے کہا 11محرم الحرام تک فیلڈسٹاف اورافسران کی چھٹیاں منسوخ کردی گئی ہیں اورتین شفٹوں میں مکمل ٹی اینڈپی کے ساتھ سٹاف اورافسران خدمات سرانجام دیں گے۔

انہوں نے کہاکہ سب ڈویژنوں میں ٹرانسفارمرزٹرالیاں تیارحالت میں کھڑی کردی گئی ہیں جنہیں ٹرانسفارمزجلنے یاخراب ہونے کی صورت میں فوری طورپرنصب کرکے بجلی کی فراہمی اور بحالی کو یقینی بنایاجائے گا۔ انہوں نے مزیدکہاکہ تعزیوں اورجلوسوں کی گزرگاہوں سے تاریں ہٹائی جارہی ہیں اورکھمبوں کی درستگی کویقینی بنایاجارہاہے اورروٹس کوکلیئرکیاجارہاہے اورامام بارگاہوں کوبجلی فراہم کرنے والے فیڈرزسے بلاتعطل بجلی کی فراہمی کویقینی بنایاجائے گا اورمتبادل ذرائع سے بھی بجلی فراہم کرنے کے انتظامات مکمل کرلیے گئے ہیں۔