ہائی ایس وین اور  کار  کے تصادم میں 3 بچوں،2 خواتین سمیت 7 افراد زخمی

ریسکیو 1122 کنٹرول روم مظفرگڑھ کے مطابق گزشتہ شب مظفرگڑھ کی تحصیل کوٹ ادو میں محمود کوٹ سٹی سنانواں روڈ پر تیزرفتاری کے باعث بے قابو ہائی ایس وین کار سے ٹکرا گئی جس کے نتیجے میں 3 بچوں،2 خواتین سمیت 7 افراد شدید زخمی ہو گئے،  ریسکیو 1122 نے  7 زخمیوں کو موقع پر ابتدائی طبی امداد فراہم کرنے کے بعد ڈسٹرکٹ ہیڈ کوارٹر ہسپتال مظفر گڑھ منتقل کردیا ، حادثہ تیزرفتاری کے باعث پیش آیا ہے، زخمیوں میں 25 سالہ نجمہ بی بی دختر بشیر احمد،26 سالہ حفصہ بی بی زوجہ شہباز،7 سالہ ثنا بی بی دختر شہباز،14 سالہ فہد ولد شبیر،50 سالہ محمد اشرف ولد سردار،57 سالہ بشیر احمد ولد غلام نبی،7 سالہ ماہ نور دختر طاہر شامل ہیں،سب زخمیوں کا تعلق تحصیل کوٹ ادو کے قصبہ سنانواں کے موضع جھنڈیر جدریجہ شرقی سے ہے۔