گوشہ ادب و یاد گار کلب مظفر گڑھ کی تزئین و آرائش کاکام شروع

مظفر گڑھ۔5 دسمبر(مظفر گڑھ ڈاٹ سٹی۔ 05 دسمبر2016ء)ڈی سی او حافظ شوکت علی کی خصوصی ہدایت اور دلچسپی پر گوشہ ادب و یاد گار کلب مظفر گڑھ کی تزئین و آرائش،بنیادی ضروریات اور سہولتوں کی فوری فراہمی یقینی بنانے کے منصوبہ پر کام شروع ہو گیا ، ای ڈی او سی ڈی غلام عباس سومرو، ڈسٹرکٹ ادبی کمیٹی کے ممبران رانا محمد افضل ، افضل چوہان ، ایڈمن صفدر حسین شاہ ، چیف اکائونٹنٹ بشیر احمداور محمود نے یاد گار کلب اور گوشہ ادب کا سہولیات کے حوالے سے تفصیلی جائزہ لیا ، اس منصوبہ کا مقصد شہر میں ادبی ، ثقافتی ، سماجی علمی اور تحقیقی سر گرمیوں کا دائرہ وسیع اور انعقاد یقینی بنانا مطلوب ہے ، ضلع کے سماجی ، ثقافتی ،ادبی اور علمی حلقوں نے اس پراجیکٹ کو نئی نسل کی بنیادی ضرورت قرار دیا ہے ۔