گرانفروشوں اور ذخیرہ اندوزں کے خلاف ایف آئی آر درج ہونگی ،ڈپٹی کمشنرمظفرگڑھ

ڈپٹی کمشنر نے بتایا کہ حکومت پنجاب کی قیمت پنجاب ایپ موجود ہے جہاں شہری اوور چارجنگ اور ریٹ لسٹ ظاہر نہ کرنے کے حوالے سے اپنی شکایات درج کرا سکتے ہیں۔

شکایات موصول ہونے پر اسسٹنٹ کمشنرز اپنی اپنی تحصیلوں سے متعلقہ شکایات پرفوری ایکشن لیں گے۔ڈپٹی کمشنر نے ہدایت کی کہ پھل اور سبزی منڈیوں میں سپلائی اور نیلامی کے طریقے کار کو یقینی بنائیں۔انہوں نے کہا کہ حکومت پنجاب کی ہدایت پر من و عن عمل کیا جائے۔اجلاس میں بتایا گیا کہ رواں ماہ کے دوران 25 پرائس کنٹرول مجسٹریٹس نے 1358 دکانوں کو چیک کیا،خلاف ورزی پر 2 لاکھ 96 ہزار 500 روپے جرمانہ کیا گیا،12 ایف آئی آرز کا اندراج کیا گیا۔اجلاس میں ایڈیشنل ڈپٹی کمشنر ریونیو تنویر مرتضیٰ،اسسٹنٹ کمشنر مظفرگڑھ مبین احسن،اسسٹنٹ ڈائریکٹر زراعت عبدالرزاق سمیت دیگر پرائس کنٹرول مجسٹریٹس نے شرکت کی۔