کوٹ ادو کے نواحی قصبے دائرہ دین پناہ کی نئی آبادی میں پولیس کا سرچ آپریشن،دو مشکوک افراد گرفتار

مظفرگڑھ (مظفرگڑھ ڈاٹ سٹی۔ 09 جنوری2020ء) مظفرگڑھ کی تحصیل کوٹ ادو کے نواحی قصبے دائرہ دین پناہ کی نئی آبادی میں پولیس کا سرچ آپریشن، 100 گھروں کی تلاشی،150 افراد کی تصدیق جبکہ دو مشکوک افراد کو حراست میں لے لیا گیا۔

ایس ڈی پی او کوٹ ادو سید اعجاز حسین بخاری کی نگرانی میں ایس ایچ او دائرہ دین پناہ ادریس خان کی سربراہی میں پولیس کی بھاری نفری کا نئی آبادی الخیر ماڈل ویلج دائرہ دین پناہ میں علی الصبح سرچ آپریشن کیا گیا جہاں 100 گھروں کی تلاشی لی گئی، 150 افراد کی قومی شناختی کارڈ کے ذریعے تصدیق بھی کی گئی جبکہ 2 مشکوک افراد کو جو اپنی شناخت ظاہر نہ کر سکے کو گرفتار کر کے مزید تحقیقات کیلئے تھانہ دائرہ دین پناہ منتقل کردیا گیا ہے، ڈی پی او مظفرگڑھ ندیم عباس کی ہدایات پر سرچ آپریشنز کا سلسلہ ضلع بھر میں شروع کیا جا چکا ھے جس سے خاطر خواہ نتائج سامنے آ رہے ہیں۔