کوٹ ادو شہر کی سیکیورٹی صورتحال بارے پولیس اورانجمن تاجران کی میٹنگ

مظفرگڑھ(مظفرگڑھ ڈاٹ سٹی۔ 07 جنوری2023ء) کوٹ ادو کے تھانہ سٹی کوٹ ادو میں ڈی ایس پی ملک مجاہد حسین گورایا،ایس ایچ او تھانہ سٹی کوٹ ادو جام سجاد حیدر اور پی ایس او ٹو ڈی پی او کلیم اللہ خان گاڈی کی انجمن تاجران کوٹ ادو سے میٹنگ کی گئی جس میں شہر میں سیکورٹی اقدامات کے حوالے سے لائحہ عمل مرتب کیا گیا۔

پولیس زرائع کے مطابق کوٹ ادو شہر میں چوریوں اور ڈکیتیوں کی روک تھام کےلئے تھانہ سٹی کوٹ ادو میں ڈی ایس پی کوٹ ادو مجاہد حسین گورایا،ایس ایچ او تھانہ سٹی کوٹ ادو جام سجاد حیدر اور پی ایس او ٹو ڈی پی او کلیم اللہ خان نے مرکزی انجمن تاجران کوٹ ادو کے صدر عثمان شیخ اور دیگر عہدیداران کے ساتھ ایک میٹنگ کی جس میں شہر میں سیکیورٹی اقدامات کے حوالے سے لائحہ عمل مرتب کیا گیا،میٹنگ میں شہر میں لگے خراب سی سی ٹی وی کیمروں کو فعال اور اہم مقامات پر نئے سی سی ٹی وی کیمرے نصب کرنے اور گارڈز تعینات کرنے کا فیصلہ کیا گیا اور ڈی ایس اپی مجاہد حسین گورایا،ایس ایچ او تھانہ سٹی کوٹ ادو جام غلام حیدر اور صدر مرکزی انجمن تاجران کوٹ ادو عثمان شیخ پر مشتمل ایک کمیٹی تشکیل دی گئی جو تمام بازاروں کی انجمن ہائے کے صدور کے ہمراہ تاجروں سے ملاقات کر کے انہیں اس بارے میں آگاہی فراہم کرے گی، اجلاس میں صرافہ بازار کے صدر کاشف ریاض نے بھی دیگر عہدیداران کے ہمراہ شرکت کی۔