کسانوں کے مسائل حل کرنے کے لئے عملی اقدامات کئے جارہے ہیں، اے ڈی سی ریونیو مظفرگڑھ

مظفرگڑھ (مظفر گڑھ ڈاٹ سٹی۔ 22 اپریل2019ء) ایڈیشنل ڈپٹی کمشنر ریونیو عطاء الحق نے کہا ہے کہ حکومت پنجاب کی ہدایت کی مطابق کسانوں کے مسائل کو ترجیح بنیادوں پر حل کرنے کے لئے عملی اقدامات کئے جارہے ہیں، انہوں نے متعلقہ محکموں کے افسران کو بھی ہدایت کی کہ وہ کسانوں اور کاشتکاروں کے مسائل کو حکومت کی پالیسی کے مطابق میرٹ پر فوری حل کریں۔یہ بات انہوں نے ضلعی مشاورتی کمیٹی برائے زراعت کے اجلاس کی صدارت کرتے ہوئے کہی۔اجلاس میں ڈپٹی ڈائریکٹر زراعت محمد اشرف قریشی نے محکمہ زراعت کی جاری سرگرمیوں کے متعلق بریفنگ دی، اجلاس میں کسانوں کے مسائل بارے میں بھی دریافت کیا گیا، جس پر کسانوں کے نمائندگا ن کی طرف سے مختلف مسائل کے بارے میں بتاتے ہوئے کہا کہ شوگر ملوں کے ذمہ کاشتکاروں کے واجبات کی ادائیگی کو یقینی بنایا جائے ، زرعی ٹیوب ویل کے بلوں میں اضافے کو فوری ختم کیا جائے ، اجلا میں محکمہ زراعت کے افسران سمیت کسانوں کے نمائندگان رانا شمشاد، مہر خالدجانگلہ اور خالد سندیلہ نے شرکت کی۔