مظفرگڑھ (مظفرگڑھ ڈاٹ سٹی۔ 22 دسمبر2022ء) ڈپٹی کمشنر کیپٹن (ر)سمیع اللہ فاروق نے کہا ہے کہ کرسمس کے موقع پر امن و امان کو برقرار رکھنے کے لئے تمام مذاہب کے اکابرین اپنا کردار ادا کریں تاکہ کرسمس کا تہوار پر امن طریقے سے گزارا جا سکے۔ ڈی سی آفس میں ڈسٹرکٹ پولیس آفیسر احمد نواز شاہ کے ہمراہ بین المذاہب ہم آہنگی کمیٹی اور ضلعی امن کمیٹی کے اجلاس کی صدارت کرتے ہوئے ڈی سی مظفرگڑھ نے کہا کہ ضلع بھر میں کرسمس کے موقع پر فول پروف سکیورٹی کے انتظامات کیے جائیں گے۔
سمیع اللہ فاروق نے کہا کہ کرسچن کمیونٹی کے تمام مسائل حل کیے جائیں گے اور کرسمس تک 50 کرسچن خاندانوں کو مالی امداد دی جائے گی۔ ڈی سی نے بتایا کہ مظفرگڑھ شہر میں چرچ کے ساتھ ملحقہ بازار تین دن بند رکھا جائے گا تاکہ مسیحی کمیونٹی کے لوگ آسانی سے چرچ میں عبادت کریں۔
انہوں نے کہا کہ چرچ کے ساتھ ناجائز تجاوزات کا بھی خاتمہ کیا جائے گا۔
اجلاس میں ڈی سی مظفرگڑھ نے بتایا کہ انہوں نے ڈی پی او مظفرگڑھ احمد نواز شاہ کے ہمراہ رنگپور میں مسیحی برادری کے چرچ کا خود جائزہ لیا ہے اور سکیورٹی سمیت تمام انتظامات کا جائزہ لیا ہے۔ سمیع اللہ فاروق نے کہا کہ مسیحی برادری کی حفاظت اور سہولیات کی فراہمی پنجاب حکومت کی ترجیحات میں شامل ہے۔ اجلاس میں ڈی پی اومظفرگڑھ احمد نواز شاہ نے فول پروف سکیورٹی انتظامات کی یقین دہانی کروائی۔ مینجر اوقاف سرکل مظفرگڑھ کاشف عباس و مسیحی برادری کے اکابرین اور تمام مکاتب فکر کے علماء نے شرکت کی۔\
مظفرگڑھ (مظفرگڑھ ڈاٹ سٹی۔ اے پی پی۔ 25 جولائی2025ء) موسلادھار تیز بارش کی وجہ سے…
نورالعین قریشی گجرات کی پہلی خاتون ڈی سی گجرات تعینات ہوئی ہیں ..انکی پہلی پوسٹنگ…
اسلام آباد: واپڈا نے سینئر افسر اور کہنہ مشق کمیونیکیشن ایکسپرٹ جناب عابد رانا کو…
ISLAMABAD, Feb 10 (APP): Independent Candidate, Rana Abdul Manan Sajid has won the Punjab Assembly…
ISLAMABAD, Feb 9 (APP): Pakistan Muslim League Nawaz Candidate Amir Talal Khan has won the…
The Pakistan Tehreek-e-Insaf (PTI) backed independent candidate Jamshed Dasti secured the seat of Muzaffargarh’s National…