کراپ میکیسی مایزیشن پروگرام کے تحت چالیس کنال مکی کا سیڈ انکریز بلاک کا تجربہ کامیاب

ان بلاکس کے لیے پاکستان کے مختلف ریسرچ سینٹرز سے اعلیٰ کوالٹی کا بیج زمینداروں کو فراہم کیا گیا تھا جو آج تیار ہو چکا ہے اب اس فصل کی کٹائی کا عمل جاری ہے۔

انہوں نے کہا کہ اگر زمیندار اپنی زمینوں کی جانب بھرپور توجہ دیں تو آزاد کشمیر کے لوگ اپنی ضروریات مقامی سطح پر پوری کر سکتے ہیں۔ آزادکشمیر کے اندر زرعی شعبہ میں وسیع پوٹینشل موجود ہے،  ضرورت اس امر کی ہے کہ زمیندار اپنی زمینوں کی طرف توجہ دیں اور محکمہ زراعت سے بروقت رہنمائی حاصل کرتے ہوے تصدیق شدہ بیج استعمال کریں۔ اچھے بیج کا استعمال نہ کرنا بھی پیدوار میں کمی کی ایک بڑی وجہ ہے۔ 

انہوں نے اس موقع پر زمینداروں کو فصلوں کی حفاظت، کھادوں کے بروقت ومناسب استعمال اور بیج کی سٹوریج کے حوالہ سے فیلڈ میں جا کر تربیت بھی دی۔ اس موقع پر مقامی زمینداروں نے محکمہ زراعت باالخصوص توسیع مرکز کہوڑی کی زراعت آفیسر اور فیلڈ سٹاف کا شکریہ ادا کیا جنہوں نے اس سیڈ انکریز بلاک کی مکمل نگرانی کی اور ہر مرحلہ پر زمینداروں کی رہنمائی بھی کرتے رہے۔ 

اس موقع پر مقامی زمینداروں کا کہنا تھا کہ محکمہ زراعت اسوقت فیلڈ میں  بہترین کام کر رہا ہے،  ہمیں جب بھی رہنمائی کی ضروت ہوتی ہے محکمہ کا فیلڈ سٹاف موقع پر آ کر ہمیں گائیڈ کرتا ہے ، ہم محکمہ کی کاوشوں پر اسکے شکرگزار ہیں۔ یادرہے کہ محکمہ زراعت کراپ میکسی مایزیشن پروگرام کے تحت آزادکشمیر بھر میں 160ایکڑ رقبہ پر جدید ورائیٹی کی فصلیں کاشت کی جا رہی ہیں جبکہ مظفرآباد میں 25 ایکڑ رقبہ پر جدید ورایٹی کی فصلیں کاشت کی جا رہی ہیں۔ اسی پروگرام کے تحت مظفرآباد سے 16 کلومیٹر شمال کی جانب پرسچہ کے مقام پر 40 کنال اراضی پر مکی کی جدید ورایٹی کا بیج کاشت کیا گیا تھا جس کا تجربہ کامیاب رہاہے اور عوامی سطح پر اس منصوبہ کو بے حد سراہا گیا ہے۔