کام نہ کرنے والے افسران کے خلاف سخت ایکشن لیا جائے گا،چیف ایگزیکٹو آفیسر میپکو

مظفر گڑھ ۔ (مظفرگڑھ ڈاٹ سٹی۔ 19 ستمبر2019ء) چیف ایگزیکٹو آفیسر میپکو انجینئر طاہر محمود نے کہا ہے کہ کام نہ کرنے والے افسران کے خلاف سخت ایکشن لیا جائے گا۔فیلڈ افسران خود فیلڈمیں نکلیں اور اپنی کارکرد گی کو مزید بہتر بنائیں لائن لاسز کو فیڈر کی سطح پر کنٹرول کریں۔ڈیڈڈیفالٹرز سے واجبات کی وصولی،رننگ ڈیفالٹرز سے بلوں کی ادائیگی کے لیے سخت اقدامات کئے جائیں اور ڈیفالٹرز کے کنکشنز منقطع کر دئیے جائیں۔

بجلی چوروں کے خلاف ایکشن مزید سخت کیا جائے ان کو نہ صرف جرمانے کئے جائیں بلکہ ان کے خلاف ایف آئی آر بھی درج کروائی جائے۔یہ باتیں انہوں نے میپکو سرکل مظفر گڑھ کے دورے کے موقع پر افسران سے میٹنگ کے دوران کیں۔انہوں نے کہاایکسین اور ایس ڈی اوخود فیلڈ میں نکلیں،لائن لاسز اور واجبات کی وصولی کی رپورٹ روزانہ کی بنیاد پر مانیٹر کریں۔

ایس ڈی اوز فیلڈ میں بھیجنے سے قبل لائن سٹاف کی ٹی اینڈ پی کی چیکنگ کریں اور لائن سٹاف اپنی قیمتی جانوں کی حفاظت یقینی بنائیں۔ انہوں نے کہا تمام افسران صارفین کے ساتھ حسن سلوک سے پیش آئیں تاکہ میپکو کا امیج لوگوں کی نظر میں بہتر ہو سکے۔اس موقع پرجنرل منیجرآپریشن میپکو انجینئرناصررشید، سپرنٹنڈنگ انجینئر مظفر گڑھ انجینئرنذر محمد ڈب، ڈپٹی ڈائریکٹر ٹیکنیکل محمد نعیم سامٹیہ،ڈی سی ایم میپکوہیڈکوارٹراسدحماد، ایکسین میپکو ڈویڑن مظفرگڑھ راجیش کمار راٹھی،ایکسین کوٹ ادوفرقان ذکریا،ایکسین علی پوریعقوب گدارا،ایکسین لیہ بلال خان،ایکسین ایم اینڈٹی مظفرگڑھ نذیراحمد گوپانگ،ایکسین آرآرای ملک محمداشرف، ڈی سی ایم اظہار علی میپکوسرکل مظفرگڑھ کے ایس ڈی اوز اور اے پی آر او بھی موجودتھے ۔