ڈی پی او مظفرگڑھ کی ہدایت پر ضلع بھر میں جرائم پیشہ عناصر کے خلاف کارروائیاں،320 لیٹر دیسی شراب برآمد

مظفر گڑھ ۔ (مظفر گڑھ ڈاٹ سٹی۔ 20 مئی2019ء) ڈی پی او مظفرگڑھ صادق علی ڈوگر کی ہدایت پر ضلع بھر میں جرائم پیشہ عناصر کے خلاف کارروائیاں جاری ہیں ایس ایچ او تھانہ سٹی فاروق آفاق ، سب انسپکٹر نور خان نے پولیس ٹیم کے ہمراہ تھانہ سٹی کی حدود میں منشیات فروشوں کے خلاف کارروائی کی، اس سلسلہ میں مخبر کی اطلاع پر بھٹہ پور میں بدنام زمانہ ملزم حنیف ڈوگر کے خلاف کارروائی کے دوران بھاری مقدار میں شراب برآمد کر لی گئی، کارروائی کے دوران 320 لیٹر دیسی شراب اور 80 لیٹر لہن سمیت شراب کشید کرنے کے آلات و سامان برآمد کرتے ہوئے بدنام زمانہ منشیات فروش حنیف ڈوگر کو چالو بھٹی پر شراب کشید کرتے ہوئے رنگے ہاتھوں گرفتار کرلیا گیا۔ذرائع کے مطابق یہ شراب عید کے موقع پر فروخت کرنے کیلئے تیار اور زخیرہ کی جارھی تھی پولیس نے ملزم کے خلاف مقدمہ درج کر کے تفتیش شروع کر دی ہے۔