ڈی پی او مظفرگڑھ کی پولیس کو اسا تذہ اور بزرگ شہریوں کے ساتھ احترام سے پیش آنے کی ہدا یت

مظفرگڑھ (مظفرگڑھ ڈاٹ سٹی۔ 31 دسمبر2022ء) ڈی پی او مظفرگڑھ احمد نواز شاہ نے مظفرگڑھ پولیس کو اساتزہ اور سینئر سٹیزنز کے ساتھ عزت اور احترام سے پیش آنے کی سختی سے ہدا یت کر دی ہے،پولیس نے ڈی پی او کی ہدایات پر عمل کرتے ہوئے اساتذہ کے احترام کا عملی طور اظہار کرتے ہوئے اساتذہ اور بزرگوں کو پروٹوکول دینا شروع کر دیا ہے، گورنمنٹ ہائی سکول عظمت پور کے استاد غلام رسول تحصیل کورٹس علی پور میں کسی کیس کے سلسلہ میں آئے تو عدالت کی سکیورٹی پر تعینات محمد پرویزنے ان كو عزت و احترام سے کرسی پر بٹھایا اور ان کو گائیڈ بھی کیا، استاد محترم پولیس کے اس رویہ سے بہت ہی متاثر ہوئے، ڈی پی او احمد نواز شاہ نے پولیس کانسٹیبل کو تعریفی سند دینے کا اعلان کیا ہے۔