ڈی پی او مظفرگڑھ کی قیادت میں پولیس کا منشیات فروشوں کے خلاف کریک ڈاؤن

اس موقع پر ڈسٹرکٹ پولیس آفیسر مظفرگڑھ سید احمد نواز شاہ کا کہنا تھا کہ مظفر گڑھ پولیس منشیات فروشوں کے خلاف کارروائیوں کا سلسلہ مستقل بنیادوں پر جاری رکھے گی۔انہوں نے کہا کہ منشیات فروش معاشرے کا ناسور ہیں جو ہماری نوجوان نسل کو تباہ کرنے میں کلیدی کردار ادا کر رہے ہیں جن سے آہنی ہاتھوں سے نمٹا جائے گا۔ ایڈیشنل آئی جی ساؤتھ کی ہدایت پر جاری کمپین میں عوام بہت معاون ثابت ہوئی ہے،پبلک کی نشاندہی پر ہی مظفرگڑھ پولیس منشیات فروشوں کے خلاف کامیاب آپریشن کرنے میں کامیاب ہوئی۔