ڈی پی او مظفرگڑھ صادق علی ڈوگر کی سرکل کوٹ ادو پولیس کے ساتھ کرائم کنٹرول میٹنگ

مظفرگڑھ (مظفرگڑھ ڈاٹ سٹی ۔ 10 اگست2019ء) ڈی پی او مظفرگڑھ صادق علی ڈوگر کی سرکل کوٹ ادو پولیس کے ساتھ کرائم کنٹرول میٹنگ بہتر کارکردگی پر تعریفی اسناد و نقد انعام، ناقص کارکردگی پر سروس ضبطگی اور دیگر سزائیں دی گئیں ، تفصیل کے مطابق ڈی پی او صادق علی ڈوگر نے دفتر پولیس سرکل کوٹ ادو کے تمام ایس ایچ او، ز اور تفتیشی افسران سے کرائم کنٹرول میٹنگ کی جس میں ڈی پی او صادق علی ڈوگر نے زیر تفتیش تمام مقدمات کی پراگریس کو خود چیک کیا اور مزید بہتری کی ہدایات جاری کیں، ڈی پی او صادق علی ڈوگر کا کہنا تھا کہ شریوں کی انصاف کی فوری فراہمی یقینی بنانے کیلئے وہ خود ضلع بھر کے تمام زیر تفتیش مقدمات کی نگرانی کر رہے ہیں اور وقت پر میرٹ کے تقاضوں کو پورا کرتے ہوئے ہوئے تفتیش مکمل کرنے والے افسران داد کے مستحق ہیں اور ناقص کارکردگی والے افسران کیلئے کسی قسم کی کوئی رعائت نہیں ہے، ڈی پی او صادق علی ڈوگر نے زیرتفتیش مقدمات کی چیکنگ کے دوران شاہد شاہ اے ایس آئی کو نقد انعام اور تعریفی سند جبکہ مجاہد اے ایس آئی کی ایک سال سروس ضبطگی کی سنائیں، ڈی پی او صادق علی ڈوگر کا مزید کہنا تھا کہ 15 کی کالز کا ریسپانس ٹائم وہ خود مانیٹر کر رہے ہیں اس سلسلے میں بھی آپ اپنی کارکردگی بہتر کریں اور جائے وقوعہ پر پہنچنے کیلئے ریسپانس ٹائم کم سے کم ہو، عید پر ڈیوٹی کے حوالے سے بھی اہم ہدایات جاری کیں، ڈی پی او صادق علی ڈوگر کا کہنا تھا کہ عید کے پر مسرت موقع پر بھی پولیس مظفرگڑھ ضلع بھر میں مستعد ہے اور اپنے شہریوں کی جان، مال عزت و آبرو کا ہر حال میں تحفظ یقینی بنائیگی۔