ڈیزل کی قلت کو دور کرنے کے حوالے سے انتظامیہ سرگرم ،اسسٹنٹ کمشنر نے پٹرول پمپ چیک کئے

مظفرگڑھ (مظفرگڑھ ڈاٹ سٹی۔ 27 اپریل2022ء) ڈیزل کی قلت کو دور کرنے کے حوالے سے انتظامیہ سرگرم ،اسسٹنٹ کمشنر نے پٹرول پمپ چیک کئے،اسسٹنٹ کمشنر چوک سرور شہید نعیم بشیر نے کسانوں کو ریلیف فراہم کرنے اور پٹرول، ڈیزل کی قلت کو دور کرنے کےلئے پٹرول پمپس کو چیک کیا، اس موقع پر انہوں نے میڈیا سے گفتگو کرتے ہوئے کہا کہ گندم کی کٹائی اور کپاس کی بجائی میں ڈیزل کی قلت کے باعث کاشت کاروں کو شدید مشکلات کا سامنا ہے,ڈیزل کی قلت کو دور کرنے کے لیے انتظامیہ ہر ممکن کوشش کر رہی ہے،انہوں نے کہا کہ وہ ایک ایک کر کے تحصیل چوک سرور شہید کے تمام پٹرول پمپس چیک کر رہے ہیں ابھی تک انہیں ڈیزل اور پٹرول کی زخیرہ اندوزی کہیں نہیں نظر آئی پٹرول ڈیزل کی سپلائی نہ آنے کی وجہ سے چند پٹرول پمپس خشک پڑے ہیں انہوں نے مزید کہا کہ پاکستان اسٹیٹ آئل کے پٹرول پمپس پر پٹرول ڈیزل موجود ہے اور وہاں مناسب نرخوں پر فروخت بھی کیا جا رہا ہے،کاشتکار وہاں سے حسب ضرورت پٹرول ڈیزل حاصل کر سکتے ہیں،انہوں نے کہا کہ حکومت کسانوں کو ہرگز تنہا نہ چھوڑے گی،ڈیزل اور پٹرول کے بحران پر قابو پانے کےلئے حکومت تمام وسائل بروئے کار لا رہی ہے اور جلد ہی اس پر قابو پا لیا جائے گا۔