ڈپٹی ڈسٹرکٹ ہیلتھ آفیسرکا عطائیوں کے خلاف کریک ڈائون ،3 کلینک سیل

مظفرگڑھ۔ 16اپریل(مظفر گڑھ ڈاٹ سٹی۔ 16 اپریل2018ء) چیف جسٹس آف پاکستان کے احکامات پر ضلعی انتظامیہ مظفرگڑھ نے عمل درآمد شروع کردیا۔ ڈپٹی ڈسٹرکٹ ہیلتھ آفیسر علی پور ڈاکٹر پنجتن کا عطائیوں کیخلاف کریک ڈاؤن کے نتیجہ میں 3 اتائیوں کے کلینک سمیت ایک ڈینٹل کلینک سیل ایف‘ آئی‘ آر درجتفصیل کیمطابق چیف جسٹس آف پاکستان نے ایک ہفتے کے اندر پنجاب بھر سے عطائیوں کے کلینکس کے خلاف کارروائی کرکے سیل کرنے کے احکامات دیئے تھے جس کے تحت گزشتہ روز ڈپٹی کمشنر مظفرگڑھ سیف انور جپہ کی ہدایت پر ڈپٹی ڈسٹرکٹ ہیلتھ آفسیر علی پور ڈاکٹر پنجتن نے عطائیوںکیخلاف کارروائی کی جسکے نتیجہ میں انہوں نے پنجاب ہیلتھ کئیر کمیشن کے مرتکب تین عطائی جن میں خان کلینک،اصغر کلینک علی پور، امجد کلینک سیت پور اور مدینہ ڈینٹل لیبارٹری کو سیل کرکے موقع پر موجود ادویات بھی قبضہ میں لیکر معائنہ کے لئے لیبارٹری ارسال کردی ہیں۔اس موقع پر ڈپٹی ڈسٹرکٹ ہیلتھ آفیسر کا کہنا تھا کہ حکومت پنجاب کی ہدایت کیمطابق ضلع بھر میں عوام الناس کو صحت کی بہترین سہولیات فراہم کرنے اور اتائیت کے خاتمہ کیلئے جاری ٹاسک کی نگرانی ڈپٹی کمشنر سیف انور جپہ خود کررہے ہیں۔