ڈسٹرکٹ پولیس مظفرگڑھ کی بڑی کارروائی، ایس ایچ او میر ہزار امجد علی نے دس سال سے روپوش قتل کے ملزم اشتہاری کو گرفتار کرلیا

مظفر گڑھ (مظفرگڑھ ڈاٹ سٹی۔ 03 جنوری2022ء) ڈسٹرکٹ پولیس مظفرگڑھ نے بڑی کارروائی کرتے ہوئے ایس ایچ او میر ہزار امجد علی نے دس سال سے روپوش قتل کے ملزم اشتہاری کو گرفتار کرلیا۔ تفصیل کے مطابق ڈسٹرکٹ پولیس آفیسر مظفرگڑھ کی ہدایت پر ایس ایچ او تھانہ میر ہزار امجد علی نے جدید ٹیکنالوجی کی مدد سے اپنی ٹیم کے ہمراہ دس سال سے روپوش ملزم اشتہاری محمد صفدر ولد گہنہ خان کو گرفتار کر کے بند حوالات تھانہ کردیا۔

ملزم نے 2012 میں اپنے باپ اور بھائی کے ساتھ مل کر اپنی بہن شازیہ دختر گہنہ خان اور دو بچوں عائشہ عمر گیارہ سال اور محمد آصف عمر نو سال کو میر ہزار میں بے دردی سے فائر مار کر قتل کر دیا تھا۔ملزم کی بہن نے اپنے والدین کی مرضی کے خلاف محمد سرفراز سے شادی کی تھی جس کا ملزم کو شدید رنج تھا،اس سے پہلے بھی ملزمان نے اسی رنج میں تین قتل کر دیے تھے جن میں یہ ضلع جھنگ میں ملزم اشتہاری بھی تھے۔